اشىلۋ راسىمىنە ەلوردا باسشىسى يمانعالي تاسماعامبەتوۆ پەن اممان قالاسىنىڭ باسشىسى اكەل بەلتادجي قاتىستى.
شارا بارلىق ءسان سالتاناتىمەن ءوتتى. يوردانيالىق قوناقتارعا مەرەكەلىك كونتسەرت ۇيىمداستىرىلىپ، قوشەمەتتىڭ جوعارى ۇلگىسى كورسەتىلدى.
كوشەنىڭ قۇرلىسى 2009 - جىلى باستالعان. قازىرگى ۋاقىتتا باس مەردىگەر قۇرىلىس جۇمىستارىن تولىق اياقتاپ ءبىتتى. قالا اكىمىنىڭ ايتۋىنشا، 2010 - جىلى اممان قالاسىندا ق ر پرەزيدەنتى اتىنا كوشە بەرىلگەن. تاريحى تالاي مىڭ جىلدىقتارعا تامىر جايعان الىپ شاھاردىڭ شەجىرەسىنە ەلباسى ەسىمىنىڭ ەنۋى - ەكى اراسىنداعى جوعارى دوستىق پەن سەرىكتەستىكتىڭ بەلگىسى.
يمانعالي تاسماعامبەتوۆ، استانا قالاسى اكىمى:
- حۋسەين بەن تالالدىڭ ەسىمىنە ەلوردامىزدا كوشە اتاۋى بەرىلىپ وتىر. بۇل جاي ءبىر ءساتتى قۋانىشتى شارا ەمەس، بۇل - ەكى ەلدىڭ ىنتىماعىن، باۋىرلاستىعىن تۋىستىققا جالعايتىن تاريحي تاعىلىمى مول بەرەكەلى ءىس.