شاڭحاي ازياداعى ءوزارا ءىس- قيمىل جانە سەنىم شارالارى كەڭەسىنىڭ ءسامميتىن قابىلداۋعا ءازىر

 شاراعا 11 شەتەل مەملەكەتتەرىنىڭ باسشىلارى، 1 ۇكىمەت باسشىسى جانە 10 حالىقارالىق ۇيىم جەتەكشىلەرى قاتىسادى. جالپى - 46 دان استام شەتەلدىك دەلەگاتسيا.

سامميتكە قاتىسۋ ءۇشىن شاڭحايعا قازاقستان، ازەربايجان، رەسەي، پاكىستان، قىرعىزستان، يران، وزبەكستان، تاجىكستان، اۋعانستان، موڭعوليا، شري- لانكا باسشىلارى جانە كامبودجا پرەمەر- ءمينيسترى، سونىمەن بىرگە ب ۇ ۇ باس حاتشىسى پان گيمۋن كەلەدى. تۇركيا پرەزيدەنتى ءابدۋللا گۇل شاحتاداعى كەنشىلەردىڭ قازا بولۋىنا بايلانىستى شاراعا قاتىسپايدى. تۇركيانىڭ وكىلى رەتىندە ەلدىڭ سىرتقى ىستەر ءمينيسترى كەلەدى.

سامميت اياسىندا قازاقستان پرەزيدەنتى نۇرسۇلتان نازاربايەۆ، رەسەي پرەزيدەنتى ۆلاديمير پۋتين، قىرعىزستان پرەزيدەنتى المازبەك اتامبايەۆ جانە يران پرەزيدەنتى حاسان روۋحاني قىتايعا مەملەكەتتىك ساپار جاسايدى.

ا ءو س ش ك ءسامميتىنىڭ اشىلۋ سالتاناتى قارساڭىندا، 20 - مامىردا ق ح ر وكىلى شي جينپين جانە ونىڭ جارى پىن ليۋاننىڭ اتىنان رەسمي قابىلداۋ ۇيىمداستىرىلادى. سودان كەيىن «بىرىككەن جانە ۇندەسكەن ازيا» اتتى كونتسەرت بەرىلەدى.