ەلگە قايتىڭىزدار نەمەسە شەتەلدىك قانداستارعا حات - ايدوس جۇقان ۇلى
پارلامەنتتە كىمدەر وتىرمايدى. بيلىك تە قولدىڭ كىرى. سوندايلار وتىرماسىن دەسەڭىز، كەلىڭىز. ءبىز سىزگە ءزارۋمىز.
تاۋەلسىزدىكتى الۋ وڭاي بولعانىمەن، ونى ساقتاۋ قيىن بولىپ بارادى. 1991-جىلى كەلىپ، 2001-جىلى ازاماتتىعىن العان ازاماتتار بار.
ولار ەل نە كورسە سونى كورىپ، ىستىعى مەن سۋىعىنا بىرگە توڭعاندار. قۋانىشى مەن قايعىسىن بىرگە بولىسكەندەر. قىتاي دەسىن، مەيلى موڭعۇل دەسىن، قايتەسىز، ماڭگۇرتپەن بىرگە ماڭگۇرت بولاسىز با؟!
ونداي لاقاپ اتتى تەك رەسەيدەن كەلگەندەرگە عانا ايتا المايدى. ويتكەنى ماڭگۇرت ورىس ءتىلى ارقىلى وسىنداي بيشارا جاعدايعا دۋشار بولعان. ءبىراق ءسىز ونى مۇسىركەمەڭىز. ەمدەڭىز. ءسىز انتيۆيرۋسسىز. قاتسىز. شيپاسىز. كۇتەمىن.
ەلگە قايتىڭىزدار نەمەسە شەتەلدىك قانداستارعا حات
قىرانىم بار كوگىمدە قالىقتاعان
قالىقتاعان ورلىگى شابىت ماعان.
جۋساننىڭ ءيسى سىڭگەن دالام مىناۋ،
بابامنان مۇرا قىلىپ الىپ قالعام.
سول دالام سەنى وزىنە شاقىرادى،
اتىراۋ، التاي، ارقا اتىرابى.
اقبەرەن ۇلدارىمەن كورىكتى عوي،
قازاعىمنىڭ قاشاننان توپىراعى.
جانايقايىن باۋرىڭنىڭ سەزەمىن دە،
سەنى ويلاسام ءورت وينار وزەگىمدە.
جات جەردە جۇرگەندىگىڭ جانعا باتار،
وتىڭدى تۇتاتقايسىڭ ءوز ەلىڭدە.
باۋىرمالدىق قاسيەت قانعا سىڭبەك،
تىلەدىم باسىڭا قۇت ورناسىن تەك.
مەن سەنى وگەيسىتپەن جات جەرلىك دەپ،
مەن سەنى قارسى الامىن قانداسىم دەپ.
بىرلىككە شاقىراتىن قايدا ءدۇلدۇل،
ورلەيىك، وركەندەيىك مايداندا ءبىر.
ءوز ەلىڭ، وزەگىڭنىڭ ۇلتانى بول،
جات جەردە جابىرقاعان قايران باۋىر.
جەتەلەپ كەلسە- داعى ىلگەرى ءۇمىت،
قاسىرەتتەن جۇرتىمنىڭ كورگەنى كوپ.
اتار تاڭى ءبىز بولىپ سول ەلىمنىڭ،
قۇرعاتايىق كوز جاسىن بىرگە ءجۇرىپ.
«نامىس» سايتى