قازاقستاندا جاڭا بايلانىس جەلىسى ىسكە قوسىلدى

استانا. قازاقپارات - ەلىمىزدە جوعارى جىلدامدىقتا اقپارات الماسىپ، دەرەك تاراتۋعا مۇمكىندىك بەرەتىن جاڭا جەلى ىسكە قوسىلدى.

استانادا G LTE GSM4 جەلىسىنىڭ سالتاناتتى تۇساۋكەسەرى ءوتتى.

سمارتفوندار ارقىلى جىلدام اقپارات الۋعا مۇمكىندىك بەرەتىن بايلانىس وپەراتورى ەندى قازاقستاننىڭ تۇكپىر-تۇكپىرىندە جۇمىس ىستەيدى.

الماتى، استانا، قاراعاندى، اقتوبە، اتىراۋ، اقتاۋ، شىمكەنت وسكەمەن قالالارى وسىلايشا ءبىر مەزەتتە بىردەن G2، G3، جانە G4 تەحنولوگيالارىن قولداي الاتىن جەلىگە قوسىلدى.

قىركۇيەك ايىنا دەيىن «التەل» كومپانياسى ەلىمىزدىڭ بارلىق وڭىرلەرىن ءوز جەلىسىمەن قامتاماسىز ەتپەك.

ال جىل سوڭىنا دەيىن حالقىنىڭ سانى 50 مىڭنان اساتىن قالا تۇرعىندارى LTE/GSM/UMTS تەحنولوگيا نەگىزىندەگى جەلىلەر ىشىندە ءوزارا اقپارات الماسىپ، سويلەسە الادى.

ماقسۇت ساۋرانبەكوۆ، «التەل» اق باسقارما ءتوراعاسى:

- حالىققا جاڭا قىزمەت تۇرلەرىن كورسەتەتىن ۋاقىت كەلدى. بولاشاقتا بايلانىس نارىعىنداعى كوشباسشى كومپانيالار قاتارىنان كورىنەمىز دەپ ۇمىتتەنەمىز. قازاقستاندا بايلانىس سالاسىندا GSM/LTE تەحنولوگياسى بويىنشا 4-وپەراتور جۇمىس ىستەي باستايدى.

وزىق تەحنولوگيالار مەن جابدىقتارعا نەگىزدەلگەن مۋلتيتەحنولوگيالىق جەلى ءبىرقاتار يننوۆاتسيالىق فۋنكتسيالاردى قولدانۋعا مۇمكىندىك بەرەدى. ماسەلەن، «التەل» ابونەنتتەرى HD-voise تەحنولوگياسىنا قول جەتكىزىپ وتىر. مامانداردىڭ ايتۋىنشا، بۇل جوبانىڭ كومەگىمەن تەلەفون ارقىلى بايلانىسىپ وتىرعان اداممەن، قاسىندا وتىرىپ سويلەسكەندەي اسەردە قالاسىڭ.

اللا وپاريەنكو، «التەل» اق دامۋ جونىندەگى تەحنيكالىق ديرەكتورى:

- بۇل تەحنولوگيانىڭ ساپاسىن جۇزدەگەن شەتەلدىك كومپانيالار جوعارى باعالايدى. ءبىزدىڭ كومەگىمىزبەن ۆولت تەحنولوگياسىن ەندى قازاقستاندىقتار دا قولدانا الادى.

جاڭا تەحنولوگيانىڭ ءموبيلدى ينتەرنەتتەگى جىلدامدىعى G3 تەحنولوگياسىنا قاراعاندا ونداعان ەسە ارتىق جۇمىس ىستەيدى. بىرنەشە تاريفتى پاكەت ۇسىناتىن جەلى ارقىلى كۇنىنە 200 SMS-تى تەگىن جىبەرىپ، 3 ساعات ابونەنتتىك اقىسىز ەركىن سويلەسۋگە بولادى.

 

24.kz