سەرىك احمەتوۆ قورعانىس ونەركاسىپ كاسىپورىندارىنا باردى

استانا. قازاقپارات - ق ر قورعانىس ءمينيسترى س. احمەتوۆ پەتروپاۆلدا ورنالاسقان  قورعانىس ونەركاسىپ كەشەندەرى كاسىپورىندارىن ارالادى.

 بۇل تۋرالى قورعانىس مينيسترلىگىنىڭ باسپا ءسوز قىزمەتىنەن حابارلاندى.

س. احمەتوۆ «اۋىر ماشينا جاساۋ پەتروپاۆل زاۋىتى» ، «س. م. كيروۆ اتىنداعى زاۋىتتا» جانە «مۇناي ماش» زاۋىتىنا بارىپ، كاسىپورىندارىنداردىڭ وندىرىستىك- تەحنولوگيالىق مۇمكىندىكتەرىمەن، شىعارىلاتىن ونىمدەر جەلىلەرىمەن تانىستى.

مينيسترگە زاۋىت وكىلدەرى ءوز ونىمدەرىن ءۇ. ج. 22-25 - مامىردا استانا ق. وتەتىن ءۇشىنشى حالىقارالىق «KADEX-2014» قارۋ- جاراق جانە اسكەري- تەحنيكالىق مۇلىك كورمەسىنە ۇسىنۋعا دايىن ەكەندىكتەرىن جەتكىزدى.  

س. احمەتوۆ ق ر قارۋلى كۇشتەرىن ودان ءارى جەتىلدىرۋ جانە قايتا قارۋ- جاراقتاندىرۋدا، ارميانىڭ جاۋىنگەرلىك ازىرلىگى مەن جاۋىنگەرلىك قابىلەتى ماسەلەلەرىن شەشۋدە قورعانىس ونەركاسىپ كەشەندەرىن نىعايتۋدىڭ ماڭىزدىلىعىن اتاپ ءوتتى.