ۇشاق بيلەتتەرى پويىزدان ارزانىراق بولىپ شىقتى

تاراز. قازاقپارات - ەۋرازيالىق ەكونوميكالىق كوميسسيانىڭ (ە ە ك) باسەكەلەستىك جانە مونوپولياعا قارسى رەتتەۋ جونىندەگى ءمينيسترى نۇرلان الدابەرگەنوۆ ترانسشەكارالىق نارىقتاعى اۆيا- جانە تەمىرجول تاسىمالدارىنداعى بيلەت باعالارى جونىندەگى جاعدايدى ەكونوميكالىق قيسىنسىزدىق دەپ اتادى.

ەسكە سالا كەتەيىك، تارازدا  ە ە ك وتىرىسىندا تەمىرجول جانە اۆياتسيالىق تاسىمالدارداعى تاۋارلى نارىقتاردىڭ تەڭ باسەكەلەستىك جاعدايلارى دا تالقىلاندى.

 ن. الدابەرگەنوۆ بەك شەگىندە اۆياجولباعىتتارىنداعى تاريفتەر باسەكەلەستىگنىڭ جوعارى جانە تومەن دەڭگەيىنە مونيتورينگ ناتيجەلەرىن اڭگىمەلەدى، سونداي- اق ب ە ك ەلدەرىندەگى تەمىرجول جانە اۋە كولىگىمەن جولاۋشىلار تاسىمالىنىڭ باعاسىن سالىستىردى.

ايتالىق، «ترانساەرو» اۆياكومپانياسىندا ماسكەۋ- استانا (2290 ك م) ج» نە ماسكەۋ- قاراعاندى (2478 ك م) رەيستەرىندە باعا ايىرماشىلىعى ەكى ەسەدەن كوپ - 61,7 مىڭ تەڭگە جانە 23,07 مىڭ تەڭگە. «ايروفلوت» كومپانياسى ماسكەۋ- قاراعاندى رەيسىنە 31,9 مىڭ تەڭگە تاريف بەلگىلەگەن.

قازاقستان مەن رەسەيدىڭ ىشكى جەلىلەرىندەگى اۆيابيلەتتەرگە تاريفتەردى سالىستىرساق، قازاقستاندىق اۆيابيلەتتەر ەداۋىر جوعارى ەكەنى كورىنەدى. مىسالعا، «س ك ا ت» كومپانياسىنىڭ الماتى- تاراز (470 ك م) اۆيارەيسىنىڭ باعاسى 17,49 مىڭ تەڭگە. ماسكەۋ مەن نيجنيي نوۆگورود اراسىنداعى شامامەن وسىنداي قاشىقتىققا رەسەيلىك جولاۋشىلار 11,6-دان 16,7 مىڭ تەڭگەگە دەيىن تولەيدى. ايىرماشىلىعى 33 پايىزعا دەيىن جەتەدى.

 «ب ە ك اۋماعىنداعى تەمىرجول جانە اۋە كولىگى جولاۋشىلارىن تاسىمالداۋ باعاسىن سالىستىرۋ قازاقستان، رەسەي جانە بەلارۋس استانالارى اراسىنداعى اۆيابيلەتتەردى الدىن الا ساتىپ العاندا باعاسى بىردەي ەكەنىن كورسەتتى. ال كەيبىر جولباعىتتاردا ءتىپتى وسى جولباعىتپەن جۇرەتىن پويىزدىڭ كۋپە ۆاگونىنىڭ باعاسىنان دا ارزانىراق بولىپ شىقتى. مۇنداي جاعداي ەكونوميكالىق قيسىنسىزدىق» ، دەدى ن. الدابەرگەنوۆ جانە ب ە ك ەلدەرى ازاماتتارى ءۇشىن بولاشاقتا اۆيا- جانە تەمىرجول تاسىمالدارىنا ءبىرىڭعاي اقىلعا قونىمدى تاريف بەلگىلەنەتىنىنە سەنىمىن ءبىلدىردى.