نارەستەنى قۇتقارعان مىسىق عالامتور «جۇلدىزىنا» اينالدى - كەسكىن

استانا. قازاقپارات - يتتەن بالانى قۇتقارعان مىسىق تۋرالى بەينەبايان عالامتوردا كەڭ تارالىپ كەتتى. ءبىر تاۋلىكتە ونى شامامەن 5 ميلليون رەت قاراعان.

 ۆيدەو سارسەنبى كۇنى 14 مامىردا جاريالانعان بولاتىن. باقىلاۋ كامەراسى ارقىلى تۇسىرىلگەن ۆيدەودان ءيت ءسابيدىڭ اياعىنا جارماسىپ، ونى سۇيرەپ اكەتپەك بولعانىن كورۋگە بولادى. الايدا، بىرەر سەكۋندتان كەيىن يتكە مىسىق شابۋىل جاساپ، ءيت قاشادى. مىسىق سوڭىنان ءبىراز قۋىپ، كەيىن ءبىر كولىكتىڭ استىنا جاسىرىنادى.

«My Cat Saved My Son» («مەنىڭ مىسىعىم ۇلىمدى قۇتقاردى» ) اتتى روليكتى YouTube-كە رودجەر تريانتافيلو ەسىمدى امەريكالىق ورنالاستىرعان بولاتىن.