جوباعا سايكەس، ول وزەننىڭ قوس جاعاسىندا - №19-كوشەدەن ميرزويان كوشەسىنە دەيىن ورنالاسقان.
ساياباق اۋماعى 190 گەكتاردى قۇرايدى جانە وسى سياقتى ءىرى نىسانداردىڭ ءبىرى بولىپ تابىلادى.
بۇعان دەيىن بۇل جەرلەردە ساياجاي الابتارى، ەسكى جىلىجاي كەشەندەرىنىڭ ءبىر بولىگى جانە دۋال بولعان، ەندى ول قالا تۇرعىندارى دەمالاتىن ورىنعا اينالماق.
قازىرگى ۋاقىتتا ساياجايدىڭ ەسىل وزەنىنىڭ سول جاعالاۋىنداعى بولىگىن سالۋ جۇمىستارى اياقتالدى. بۇل تۋرالى astana.kz سايتىنا ەنەرگەتيكا جانە كوممۋنالدىق شارۋاشىلىق باسقارماسىنان حابارلادى.
بيىل ساياباقتىڭ وڭ جاعالاۋداعى بولىگىن اباتتاندىرۋ كوزدەلگەن. كەيبىر جەرلەرگە تاقتاتاستار، اسفالت توسەلەدى، جالپى ۇزىندىعى 62 مىڭ مەتردى قۇرايتىن سۋارۋ سۋ قۇبىرى تارتىلادى، قورشاۋلار، جارىقتاندىرۋ قۇرالدارى ورناتىلادى. سونىمەن قاتار، ساياباقتى كوگالداندىرۋ جۇمىستارى جالعاسىن تابادى. 6994 اعاش پەن بۇتا وتىرعىزىلادى، 383 مىڭ شارشى مەتر اۋماققا گۇلزار جاسالىپ، 947 مىڭ شارشى مەتر جەرگە وسىمدىك ەگىلەدى.
ساياباق قۇرىلىسى جانە قالالىق مادەنيەت جانە دەمالىس ساياباعىن قايتا قۇرۋ جۇمىستارى ەلوردا تۇرعىندارى مەن قوناقتارىنا جازدا راحاتتانىپ دەمالۋعا مۇمكىندىك بەرەدى.