قادىر عينايات ۇلى مىرزا ءالي 1935 -جىلى، 5-قاڭتاردا باتىس قازاقستان وبلىسىنىڭ جىمپيتى كەنتىندە تۋعان. 1958- جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن تامامداعان. ەڭبەك جولىن سول كەزدە جاڭادان اشىلعان بالالار جۋرنالى 'بالدىرعاننان' باستاعان. 'جۇلدىز' جۇرنالى رەداكسياسىندا پوەزيا جانە سىن ءبولىمىنىڭ مەڭگەرۋشىسى، جاۋاپتى حاتشى، باس رەداكتوردىڭ ورىنباسارى، 1968-1973 ج ج. 'جازۋشى' باسپاسىندا قازاق پوەزياسى ءبولىمىنىڭ مەڭگەرۋشىسى، كەيىن قازاقستان جازۋشىلار وداعىندا پوەزيا سەكسياسىنىڭ كەڭەسشىسى بولعان.
تۇڭعىش تۋىندىسى 1954- جىلى "پيونەر" جۇرنالىندا جاريالاندى. سودان بەرگى ۋاقىت ىشىندە 40 تان استام جىر جيناقتارى مەن ادەبي-سىن، ءان ولەڭدەرى مەن پروزالىق كىتاپتارى: "كوكتەم" (1959)، "ءدانىشپان" (1961)، "ساباق"، "وي ورمانى" (1965)، "دالا ءديدارى" (1966)، "بۇلبۇل باعى" (1967)، "اق وتاۋ" (1968)، "كۇمىس قوڭىراۋ"، (1970)، "دومبىرا" (ەكى كىتاپ، 1971 جانە 1974)، "كەش" (1973)، "جەرۇيىق" (1976)، "قورامساق"، "كوكپار"، "قىزىل كىتاپ"، "الاقان" (1981)، "ساز سيقىرى" (1982)، "كۇندەر-اي" (1984)، سونداي-اق توقسانىنشى جىلدارى تاڭدامالى شىعارمالارىنىڭ بەس تومدىعى، ال 2001- جىلى "قازىعۇرت" باسپاسىنان 15 تومدىعى شىققان. بىرنەشە پەساسى ساحنادا قويىلعان.
1966- جىلى "وي ورمانى" جيناعى ءۇشىن قازاقستان جاستار وداعىنىڭ سىيلىعى بەرىلدى. 1980- جىلى "جەرۇيىق" جىر كىتابى ءۇشىن قازاق ك س ر مەملەكەتتىك سىيلىعىنىڭ لاۋرەاتى اتاندى. قازاقستاننىڭ حالىق جازۋشىسى، 2001- جىلى تاۋەلسىز "تارلان" سىيلىعىن الدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан