تۇلكىباس اۋداندىق «شامشىراق» گازەتىندە، وبلىستىق «وڭتۇستىك قازاقستان» گازەتىندە، وبلىستىق پارتيا كوميتەتىندە قىزمەت ىستەدى. جازۋشىلار وداعى وبلىس ارالىق بولىمشەسىنىڭ حاتشىسى، وبلىس اكىمى اپپاراتى ىشكى ساياسات ءبولىمىنىڭ مەڭگەرۋشىسى، وبلىستىق ءتىل باسقارماسىنىڭ باستىعى بولدى. وبلىستىق اقپارات جانە قوعامدىق كەلىسىم باسقارماسى باستىعىنىڭ ورىنباسارى، باسقارما باستىعى قىزمەتتەرىن اتقاردى. 2005-2008 - جىلدارى وڭتۇستىك قازاقستان وبلىسى تىلدەردى دامىتۋ جونىندەگى باسقارماسىنىڭ باستىعى بولدى. قازىر «ەگەمەن قازاقستان» گازەتىنىڭ وڭتۇستىك ءوڭىر بويىنشا (وڭتۇستىك قازاقستان قىزىلوردا، جامبىل) ارناۋلى ءتىلشىسى.
جازۋشى، جۋرناليست. «شىلدە»، «سىربۇلاق»، «ينتەرناتتىڭ بالاسى»، «ناۋرىز»، «داۋىستىڭ تۇسى»، «قورعانسىز جۇرەك»، «ماشاتتاعى ماحاببات»، «سەرت پەن سەنىم»، «ادەبيەت ءپانىنىڭ پەرىشتەسى»، «اقپانداعى مىسىقتار»، «الماعايىپ»، «اڭسار»، «قوزاپيا» «اۋىل اڭگىمەلەرى» ت.ب. كىتاپتاردىڭ اۆتورى. 2005 -جىلى الماتىداعى «قازىعۇرت» باسپاسىنان شىعارمالارىنىڭ ءتورت تومدىعى جارىق كوردى. 2008-جىلى «جازۋشى» باسپاسىنان «سالقىن ماساق» اتتى پوۆەستەرى مەن اڭگىمەلەرىنىڭ جيناعى شىقتى، «ۇركەر» رومان-گازەتى جۋرنالىندا «وقۋ زالى» دەگەن اتپەن ون سەگىز اڭگىمەسى جاريالاندى.