سافۋان شايمەردەن
سودان كەيىن رەسپۋبليكالىق جاستار گازەتىنىڭ قاراعاندى وبلىسى بويىنشا ءتىلشىسى، 1952- جىلى «ادەبيەت جانە يسكۋسستۆو» جۋرنالىنىڭ ءبولىم باستىعى، قازاقستان جازۋشىلار وداعى پروزا سەكسياسىنىڭ مەڭگەرۋشىسى، 1955- جىلى «قازاق ادەبيەتى» گازەتى باس رەداكتورىنىڭ ورىنباسارى، 1958-1960- جىلدارى قازاقستان جازۋشىلار وداعى باسقارماسىنىڭ حاتشىسى، 1970-1975- جىلدارى مادەنيەت مينيسترلىگى رەپەرتۋارلىق كوللەگياسىنىڭ باستىعى بولعان.
«بولاشاققا جول» اتتى العاشقى رومانى 1953- جىلى جارىق كوردى. «ءومىر نۇرى» اتتى پوۆەستەر شوعىرىنا تاقىرىبى، يدەياسى جاعىنان وزەكتى ءبىر جەلى، ءبىر نىساناعا باعىندىرىلعان التى پوۆەست - «مەزگىل»، «قارعاش»، «ءومىر نۇرى»، «ءيت اشۋى»، «ءماجنۇن تال» كىرەدى. ولار شەتەل تىلدەرىنە الدەنەشە رەت اۋدارىلعان. «قايداسىڭ، ءزارينا؟»، «قىر گۇلى»، «ءانىم سەن ەدىڭ»، «مارعاۋ»، «ءتورت بويداق، ءبىر قىز»، «وكىل اكە»، «تۇيە كوتەرگەن»، «ارۋانا دۇنيە» پەسالارى كوپتەگەن قازاق تەاترلارىنىڭ ساحناسىندا قويىلدى. «اعالاردىڭ الاقانى»، «ادەبي تولقىندار» اتتى كىتاپتارى ءۇشىن 1988- جىلى رەسپۋبليكانىڭ اباي اتىنداعى مەملەكەتتىك سىيلىعىن الدى.