«مۇنداي ارەكەتسىزدىكتىڭ سالدارى بىرنەشە جىلدار بويى قايعىلى جاعدايلارعا اكەپ سوعۋدا. كومپانيا ءوز مىندەتتەمەلەرىن ورىنداعان جوق. قازىرگى تاڭدا، «ارسەلورميتتال تەمىرتاۋ» كومپانياسىن قازاقستاننىڭ پايداسىنا بەرۋ راسىمدەرى اياقتالۋ ساتىسىندا. كوميسسيا اپاتتىڭ سەبەپتەرىن جان- جاقتى تەكسەرىپ، وعان كىنالى ادامداردى انىقتاۋ جۇمىستارىن جالعاستىرادى»، - دەدى پرەمەر-مينيستر.
سونداي-اق، ول قاراعاندى وبلىسىنىڭ اكىمدىگى مەن توتەنشە جاعدايلار مينيسترلىگى اپاتتى جويۋعا كۇش سالۋ كەرەكتىگىن ايتتى.
«ەڭ باستىسى - قازا تاپقانداردىڭ وتباسىلارىنا بارلىق كومەكتى كورسەتىپ، زارداپ شەككەندەردىڭ دەنساۋلىقتارىن قالپىنا كەلتىرۋ. وسىنداي قيىن جاعدايدا ەشكىم دە نازاردان تىس قالمايدى»، - دەدى ءاليحان سمايىلوۆ.
ايتا كەتەيىك، 28-قازان ساعات 02:33-تە قاراعاندى وبلىسىنداعى كوستەنكو اتىنداعى شاحتادا اپات بولدى. سوڭعى مالىمەت بويىنشا، قازاق تاپقاندار سانى 46 عا جەتكەن. وسىعان بايلانىستى قازاقستاندا 29-قازان جالپىۇلتتىق ازا تۇتۋ كۇنى بولىپ جاريالاندى.