اقبوكەندەردىڭ پوپۋلياتسياسىن ساقتاۋ ماقساتىندا قازاقستان رەسپۋبليكاسىندا ولاردى تىرشىلىك ەتۋ ورتاسىنان، ولاردىڭ بولىكتەرى مەن دەريۆاتتارىنان (ءمۇيىز، قان جانە ت. ب.) الۋعا (تابۋعا، اۋلاۋعا، اتۋعا، جيناۋعا، كۇرەسۋگە) تىيىم سالىنادى.
ارقالىق قالاسىنىڭ پروكۋراتۋراسى تالداۋ بارىسىندا قالا تۇرعىنى قالا اۋماعىندا بىرنەشە رەت اقبوكەن ەتىن زاڭسىز ساتقانىن انىقتادى.
«وسى فاكت بويىنشا سوتقا دەيىنگى تەرگەۋ جۇرگىزىلدى، ونىڭ بارىسىندا اقبوكەننىڭ 5 ۇشاسىنىڭ ەتى تاركىلەندى، مەملەكەتكە كەلتىرىلگەن زالال 21 ميلليون تەڭگەدەن استى.
سوت ازاماتتى 3 جىل 6 اي باس بوستاندىعىنان ايىرۋ تۇرىندەگى جازا تاعايىنداۋمەن اۆتوكولىكتى تاركىلەۋمەن ەكولوگيالىق قىلمىس جاساعانى ءۇشىن كىنالى دەپ تانىدى»، - دەپ جازدى باقىلاۋشى ورگاننان.
ۇكىم زاڭدى كۇشىنە ەندى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.