ارمەنيا پالەستينانى رەسمي تۇردە مويىندادى
استانا. KAZINFORM - ارمەنيا پالەستينانىڭ تاۋەلسىزدىگىن مويىندادى. ەلدىڭ سىرتقى ىستەر مينيسترلىگىنىڭ مالىمدەمەسىندە ەريەۆان حالىقارالىق قۇقىق پەن حالىقتاردىڭ تەڭدىگى، ەگەمەندىگى جانە بەيبىت قاتار ءومىر ءسۇرۋ قاعيداتتارىن ۇستاناتىنىن راستايتىنى ايتىلعان.
«ارمەنيا رەسپۋبليكاسى تاياۋ شىعىستا بەيبىتشىلىك پەن تۇراقتىلىقتى ورناتۋعا، ەۆرەي جانە پالەستينالىق حالىقتار اراسىندا تۇراقتى كەلىسىم ورناتۋعا شىن نيەتپەن مۇددەلى. ءبىز ءارتۇرلى حالىقارالىق پلاتفورمالاردا پالەستينا ماسەلەسىن بەيبىت جانە جان-جاقتى رەتتەۋدى، يزرايل-پالەستينا قاقتىعىستارىن شەشۋدەگى ەكى مەملەكەتتىڭ پرينتسيپىن قولدايمىز»، - دەلىنگەن حابارلامادا.
سونداي-اق ارمەنيا باسشىلىعى بۇل قادام پالەستينالىقتار مەن يزرايلدىكتەردىڭ زاڭدى تىلەكتەرىن جۇزەگە اسىرۋىن قامتاماسىز ەتۋدىڭ جالعىز جولى ەكەنىنە سەنىمدى ەكەنى ايتىلعان.
ەستەرىڭىزگە سالساق، بۇعان دەيىن سلوۆەنيا پالەستينا مەملەكەتىن رەسمي تۇردە مويىنداعان ەدى.
سونداي-اق سلوۆەنيا ۇكىمەتى دە پالەستينانى تاۋەلسىز مەملەكەت رەتىندە تانۋعا شەشىم قابىلدادى.