پاراليمپيادا ويىندارى-2024: قازاقستاننىڭ كوك تۋى جەلبىرەدى
استانا. KAZINFORM - پاريج قالاسىندا باستالعان پاراليمپيادا ويىندارىندا داستۇرگە ساي ءار ەلدىڭ دەلەگاتسياسى تۋلارىن ۇستاپ شىقتى. پاريج تورىندە قازاقستاننىڭ كوك تۋىن ۆولەيبولشى بەرىك ىزماعانبەتوۆ پەن وق اتۋ شەبەرى سيەۆدا اليەۆا كوككە كوتەردى.
قازاقستاندىق سپورتشىلاردى قولداۋعا سەنات سپيكەرى ماۋلەن اشىمبايەۆ ارنايى بارىپ، اشىلۋ سالتاناتىندا توبە كورسەتتى.
بۇعان دەيىن پرەمەر-مينيستر ولجاس بەكتەنوۆ ەكى تۋ ۇستاۋشىعا - ازيا پاراليمپيادا ويىندارىنىڭ جەڭىمپازى، قازاقستان چەمپيوناتىنىڭ ون دۇركىن جەڭىمپازى بەرىك ىزماعانبەتوۆكە (پاراۆولەيبول) جانە وق اتۋدان قازاقستان چەمپيوناتىنىڭ جەڭىمپازى سيەۆدا اليەۆاعا مەملەكەتتىك تۋدى تابىس ەتكەن بولاتىن.
پاراليمپيادا ويىندارىندا ەل قۇراماسى ساپىندا پارا ءجۇزۋ، پارا پاۋەرليفتينگ، پارا جەڭىل اتلەتيكا، كانوەدە ەسۋ، پارا تاەكۆوندو، وتىرىپ ۆولەيبول ويناۋ، پارا اتۋ، ۇستەل تەننيسى، پارا دزيۋدو سياقتى 9 سپورت تۇرىنەن 44 سپورتشى جۇلدەگە تالاسادى.
ايتا كەتەيىك، دوداعا پاراليمپيادا ويىندارىنىڭ چەمپيوندارى زۋلفيا عابيدۋللينا مەن داۆيد دەگتياريەۆ، پاراليمپيادا ويىندارىنىڭ جۇلدەگەرلەرى راۋشان قويشىبايەۆا (كۇمىس) پەن نۇرداۋلەت جۇماعالي (قولا) قاتىسىپ، تاعى ءبىر مارتە جۇلدەگە تالاسىپ كورمەك.
جارىس كەستەسى:
- 29، 30، 31-تامىز: پاراتاەكۆوندو؛
- 29، 31-تامىز، 2، 5، 6-قىركۇيەك: پاراۆولەيبول؛
- 30، 31-تامىز، 4، 5-قىركۇيەك: جەڭىل اتلەتيكا؛
- 31-تامىز، 1، 4-قىركۇيەك: وق اتۋ؛
- 1، 3، 4، 5، 6-قىركۇيەك: جۇپتىق ءجۇزۋ؛
- 1، 2، 4، 6، 7-قىركۇيەك: ۇستەل تەننيسى؛
- 5، 7-قىركۇيەك: پاۋەرليفتينگ؛
- 5، 6، 7-قىركۇيەك: پارادزيۋدو؛
- 6، 7-قىركۇيەك: پاراكانوە.
اۆتور
ورالحان قوجانوۆ