پاراليمپيادا ويىندارى-2024: بۇگىن قازاقستاندىقتار ەكى سپورت تۇرىنەن سايىسقا تۇسەدى

استانا. KAZINFORM - بۇگىن، 30-تامىزدا پاريجدە ءوتىپ جاتقان 2024 -جىلعى پاراليمپيادا ويىندارىندا قازاقستاندىق سپورتشىلار ەكى سايىس تۇرىنەن جارىس جولىنا شىعادى.

بۇل كۇنى پارا تايەكۆوندودان كاميلا دوسمالوۆا (57 كەلى) دجۋلەتتا مويپو (كەنيا) - ماريا ميتسيەۆ (سەربيا) جۇبىنىڭ جەڭىمپازىمەن كەزدەسەدى. ال پارا جەڭىل اتلەتيكادان سالتانات ءابىلقاسىم قىزى (100 مەتر جۇگىرۋ) سىنعا تۇسەدى.

ايتا كەتسەك، 29-تامىزدا پارا ۆولەيبولدان قازاقستان قۇراماسى فرانسيانى 3:0 ەسەبىمەن جەڭدى.

ەندى ولار ەرتەڭ، 31-تامىزدا استانا ۋاقىتىمەن 17:00-دە بوسنيامەن شەبەرلىك بايقاسادى.

سونداي-اق پارا تايەكۆوندودان قازاقستاندىق ميلانا كراساۆتسيەۆا جۇبانىش كەزدەسۋىندە مىسىرلىق سپورتشىعا ەسە جىبەرىپ، مەدالعا يە بولا العان جوق.

قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى.

ءدۇبىرلى دودا 28 -تامىز بەن 8 -قىركۇيەك ارالىعىندا وتەدى.

اۆتور

ءادىلجان ۇمبەت