پاراليمپيادا-2024: بۇگىن قازاقستاندىقتار ءۇش سپورت تۇرىنەن سايىسقا تۇسەدى

استانا. KAZINFORM - بۇگىن، 6-قىركۇيەكتە پاريجدە ءوتىپ جاتقان 2024 -جىلعى پاراليمپيادا ويىندارىندا قازاقستاندىق سپورتشىلار ءۇش سايىس تۇرىنەن جارىس جولىنا شىعادى.

پارا جۇزۋدەن 12:45-تە سيازبەك داليەۆ، 14:11-دە زۋلفيا گابيدۋللينا ەل نامىسىن قورعايدى.

ال 13:00-دە پارادزيۋدودان ەرعالي شامەي ارميندو رودريگەس (فرانسيا) پەن يۋدجي كاتو (جاپونيا) جۇبىنىڭ جەڭىمپازىمەن كەزدەسسە، دايانا فەدوسوۆا مەن برازيليالىق دا سيلۆا تەيشەيرا اراۋحو، ايالا مەرەكە جاپونيالىق كازۋسا وگاۆامەن شەبەرلىك بايقاسادى.

سونداي-اق پارا كانوە 13:10-دە بەيبارىس سىپاتاي، 13:30-دە جاڭىل بالتابەكوۆا سايىسقا تۇسەدى.

ايتا كەتسەك، پاراليمپيادانىڭ سەگىزىنشى جارىس كۇنىنەن كەيىن قازاقستان قۇراماسىنىڭ قورجىنىندا 2 التىن، 2 كۇمىس، 1 قولا جۇلدە بار.

ايتا كەتەيىك، قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ العان بولاتىن.

ءدۇبىرلى دودا 28-تامىز بەن 8-قىركۇيەك ارالىعىندا وتەدى.

اۆتور
ءادىلجان ۇمبەت