پاراليمپيادا-2024: بۇگىن قازاقستان قۇراماسىنان كىمدەر سايىسقا تۇسەدى

استانا. KAZINFORM - بۇگىن، 1-قىركۇيەكتە پاريجدە ءوتىپ جاتقان 2024 -جىلعى پاراليمپيادا ويىندارىندا قازاقستاندىق سپورتشىلار ءۇش سايىس تۇرىنەن جارىس جولىنا شىعادى.

الدىمەن پارا نىسانا كوزدەۋدەن ەركىن عابباسوۆ ساعات 12:30-دا سايىسقا تۇسەدى.

ول 31-تامىزدا فينالدا R1 كلاسسىندا ۆينتوۆكامەن 10 مەترگە پارا نىسانا كوزدەۋدەن سىنعا تۇسكەن وتانداسىمىز 247.7 ۇپاي جيناپ، كۇمىس جۇلدە جەڭىپ الدى.

ودان كەيىن پارا جۇزۋدە زۋلفيا عابيدۋللينا 13:47-دە ەل نامىسىن قورعايدى.

ال 23:00-دە پارا ۇستەل تەننيسىنەن ءالي ماقۇلبەكوۆ جارىس جولىنا شىعادى. قارسىلاسى - مارك لەدو.

قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى.

ءدۇبىرلى دودا 28-تامىز بەن 8 -قىركۇيەك ارالىعىندا وتەدى.

ەسكە سالساق، قازاقستان پارا سپورتشىلارى بۇعان دەيىن پاراليمپيادا ويىندارىندا 2 التىن، 4 كۇمىس، 1 قولا مەدالدى ولجالاعان بولاتىن.

اۆتور

ءادىلجان ۇمبەت