استانا. KAZINFORM - يران يزرايلمەن سوعىستان كەيىن دە يادرولىق باعدارلاماسىنان باس تارتپايدى. بۇل تۋرالى يراننىڭ سىرتقى ىستەر ءمينيسترى ابباس اراكچي Al-Araby al-Jadeed باسىلىمىنا بەرگەن سۇحباتىندا مالىمدەدى، دەپ حابارلايدى Report.
اراكچيدىڭ ايتۋىنشا، يزرايلمەن 12 كۇنگە جالعاسقان قاقتىعىستان كەيىن تەگەران بۇرىنعىدان دا باتىل قادامعا بارۋعا بەل بۋدى.
- ءبىز بۇل تەحنولوگياعا وراسان زور قارجى مەن كۇش جۇمسادىق. عالىمدارىمىز قازا تاپتى، حالقىمىز سانكتسيالارعا ءتوزىپ كەلەدى، بىزگە سوعىس تا اشىلدى. يراندا ەشكىم بۇل باعدارلامادان باس تارتپايدى. ول ارقاشان اتوم ەنەرگياسى جونىندەگى حالىقارالىق اگەنتتىكتىڭ (ماگاتە) باقىلاۋىندا بولدى، - دەدى اراكچي.
ايتا كەتەيىك، بۇعان دەيىن ماسۋد پەزەشكيان «يزرايل ءبىتىم شارتىن ساقتاسا، يران دا ونى بۇزبايتىنىن» مالىمدەگەن بولاتىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.