پارادزيۋدوشى زارينا رايفوۆا پاراليمپيادا ويىندارىنىڭ قولا جۇلدەگەرى اتاندى
10:52, 08 - قىركۇيەك 2024
استانا. KAZINFORM - پاريجدە ءوتىپ جاتقان پاراليمپيادا ويىندارىندا پارادزيۋدوشى زارينا رايفوۆا قولا جۇلدەگە قول جەتكىزدى.
قازاقستاندىق سپورتشى J2 ساناتى بويىنشا 70 كەلىدەن جوعارى سالماقتا قولا جۇلدە ءۇشىن يتاليالىق كارولينا كوستامەن بەلدەستى.
جەكپە-جەك وتە تارتىستى ءوتىپ، قوسىمشا ۋاقىتتا يتاليالىق پارادزيۋدوشى ءۇشىنشى ەسكەرتۋ الىپ، زارينا جەڭىسكە جەتتى.
وسىلايشا، قازاقستان قورجىنىنا سەگىزىنشى مەدال ءتۇستى.
بۇگىن، سونداي-اق، 90 كەلىدەن استام سالماقتا J2 ساناتى بويىنشا تاعى ءبىر قازاقستاندىق ءجۇرقامىرزا شۇكىربەكوۆ قولا جۇلدە ءۇشىن تاتاميگە شىعادى. ونىڭ قارسىلاسى - فرانسيالىق ناسەر زورگاني.
ەسكە سالا كەتەيىك، بۇدان بۇرىن ءجۇرقامىرزا شۇكىربەكوۆتىڭ جارتىلاي فينالعا شىققانىن جازعان بولاتىنبىز.