ۋاقىتشا ترەند: مينيستر موبيلدى اۋدارىمداردان باس تارتۋ تۋرالى ايتتى

استانا. KAZINFORM - ق ر ۇلتتىق ەكونوميكا ءمينيسترى الىبەك قۋانتىروۆ موبيلدى اۋدارىمداردان باس تارتۋ مەن جاپپاي قولما-قول اقشاعا كوشۋ ءۇردىسى تۋرالى پىكىر ءبىلدىردى.

بۇل ۋاقىتشا ترەند. جاي عانا كاسىپكەرلەر تاراپىنان جاعدايدى تولىق تۇسىنبەۋدەن تۋعان دۇرلىگۋ. ءبىز اشىق جۇمىس ىستەگىمىز كەلەدى، مۇندا كاسىپكەرلەردىڭ ءوز ەلى ءۇشىن جاساۋ كەرەك دەگەن وي-ساناسى ماڭىزدى. زاڭسىز جۇمىس ىستەۋگە بولمايدى. قازاقستان - الەمدەگى قارجىلىق تەحنولوگيالار مەن موبيلدى اۋدارىمدار تۇرعىسىندا ەڭ سيفرلاندىرىلعان ەل. بىزگە ا ق ش-تان، ەۋروپادان كەلگەن شەتەلدىكتەر سيفرلاندىرۋ دەڭگەيىن كورىپ، تاڭعالادى. سوندىقتان ءبىز سول ۇردىستە قالامىز دەپ ويلايمىن. قازىر ءبارى بوي ۇيرەتىپ جاتىر»، - دەپ ءتۇسىندىردى الىبەك قۋانتىروۆ ۇكىمەت ۇيىندە وتكەن باسپا ءسوز ءماسليحاتىندا.

قۋانتىروۆ شاعىم بولعان جاعدايدا قارجى مينيسترلىگىنە جۇگىنۋگە بولاتىنىن ەسكە سالدى. دەگەنمەن، ۇلتتىق ەكونوميكا ءمينيسترى جاعداي تۇزەتىلىپ كەلەدى دەپ ەسەپتەيدى.

«مەن ەلەكتروندى گادجەتتەردى بەلسەندى قولدانامىن. بۇل وتە ىڭعايلى. ال ەكونوميكا ءۇشىن ايرىقشا پروبلەمالار تۋىندايدى دەپ ويلامايمىن. بارلىق ادام قولما-قول اقشا بولسا دا، تاۋار ساتىپ الادى. جاي عانا بانكتەر بانكوماتتارعا كوبىرەك قولما-قول اقشا جۇكتەۋى كەرەك»، - دەپ تولىقتىردى مينيستر.

اۆتور

ايجان سەرىكجان قىزى