ۋاقىت بەلدەۋىنە قاتىستى تالقىلاۋ شەگەرىلدى

استانا. KAZINFORM - ۋاقىت بەلدەۋىنە قاتىستى تالقىلاۋ كەيىنگە قالدىرىلدى.

28-ماۋسىمعا جوسپارلانعان ۋاقىت بەلدەۋىنە قاتىستى پەتيتسيانى قاراۋ جونىندەگى جۇمىس توبىنىڭ ەكىنشى وتىرىسى اۆتوردىڭ وتىنىشىمەن شەگەرىلدى.

«كەلەسى وتىرىستىڭ وتەتىن كۇنى مەن ۋاقىتى تۋرالى حابارلاما پەتيتسيا اۆتورىنا 25-ماۋسىمدا، بەلگىلەنگەن كۇننەن ءۇش جۇمىس كۇنى بۇرىن ەلەكترون پوشتا ارقىلى جانە WhatsApp مەسسەندجەرى ارقىلى جىبەرىلدى. 26-ماۋسىمدا ءوتىنىش يەلەرى جۇمىس توبىنىڭ وتىرىسىن كەيىنگە قالدىرۋ تۋرالى حات جىبەردى. وسىعان بايلانىستى 28-ماۋسىمعا جوسپارلانعان وتىرىس كەيىنگە قالدىرىلدى. كەلەسى وتىرىستىڭ كۇنى كەيىنىرەك حابارلانادى»، - دەپ جازىلعان حابارلامادا.

ايتا كەتەيىك، جۇمىس توبىنىڭ ءبىرىنشى وتىرىسى 21-ماۋسىمدا ءوتتى.

ەسكە سالايىق، بۇعان دەيىن قازاقستاندا ۋاقىت بەلدەۋىنىڭ وزگەرۋىنە بايلانىستى ەڭبەك كەستەسى دە وزگەرۋى مۇمكىن ەكەنى حابارلاندى.