وقيعا بۇگىن، 2026 -جىلعى 3-قاراشادا بولعان. كۋاگەرلەردىڭ ايتۋىنشا، عيمارات ىشىنەن ايقايلاعان داۋىستار ەستىلگەن. پوليتسيا وقيعا ورنىنا جەتكەندە ايەل قانسىراپ، ەدەندە جاتقان. دارىگەرلەر ونىڭ ءومىرىن ساقتاپ قالا الماعان.
وقيعا كۋاگەرلەرى قايعىلى جاعدايدىڭ الدىندا مارقۇم مەن بۇرىنعى كۇيەۋى اراسىندا جانجال بولعانىن ايتادى. ولاردىڭ سوزىنشە، ەر ادام ايەلدىڭ باسقا ازاماتپەن قارىم-قاتىناستا بولعانىنا نارازى بولعان. مارقۇمنىڭ بىرنەشە بالاسى بار ەكەنى دە ايتىلدى.
پوليتسيا كۇدىكتىنى قىلمىس بولعاننان كەيىن كوپ ۇزاماي ۇستاعان.
- جەدەل-ىزدەستىرۋ شارالارى بارىسىندا كۇدىكتىنىڭ كىم ەكەنى انىقتالىپ، ءىزىن سۋىتپاي قولعا ءتۇستى. قازىر ول ۋاقىتشا ۇستاۋ يزولياتورىنا قامالدى. وقيعانىڭ بارلىق ءمان-جايىن، سونداي-اق قىلمىستىڭ سەبەپتەرى مەن سالدارىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلىپ جاتىر، - دەپ حابارلادى وبلىستىق پوليتسيا دەپارتامەنتى.
اتالعان دەرەك بويىنشا ادام ءولتىرۋ بابىمەن قىلمىستىق ءىس قوزعالدى.
ەسكە سالايىق، بۇعان دەيىن اقتوبەدە كوپقاباتتى ءۇيدىڭ اۋلاسىندا ايەلدى پىشاقتاپ كەتكەنىن حابارلاعانبىز.