اقتوبەدەگى وقۋشى ولىمىنە قاتىستى باس پروكۋرور پىكىر ءبىلدىردى
20:27, 04 - قىركۇيەك 2024
استانا. KAZINFORM - اقتوبە وبلىسىنداعى وقۋشى ولىمىنە قاتىستى باس پروكۋرور بەرىك اسىلوۆ جەلىدەگى پاراقشاسىنا جازبا جاريالادى.
«اقتوبە وبلىسى قوپا اۋىلىندا وقۋشىنىڭ قايتىس بولۋ فاكتىسى بويىنشا قىلمىستىق ءىستى تەرگەۋ بارىسىن جەكە باقىلاۋىما الدىم. بۇل جاعداي تاربيە بەرۋدەگى كەمشىلىكتەرگە بايلانىستى ورىن العان، ناتيجەسىندە جاسى ۇلكەن بالالار كىشىلەرگە الىمجەتتىك جاساپ، ءبىرىن- ءبىرىن ۇرۋعا ماجبۇرلەگەن»، - دەلىنگەن باس پروكۋروردىڭ اقپاراتىندا.
ايتا كەتەيىك، بۇعان دەيىن اقتوبەنىڭ قوپا اۋىلىندا جانجالدان سوڭ وقۋشى كوز جۇمعانىن جازعان بولاتىنبىز.
ىلە-شالا وبلىستىق ءبىلىم باسقارماسىندا وقۋشىلار اراسىنداعى توبەلەس، ءجاسوسپىرىم ءولىمىنىڭ سەبەپ-سالدارىن زەردەلەۋ جونىندەگى جۇمىس توبى قۇرىلدى.