اقتوبەدەن الماتىعا شىققان ۇشاق زاقىمداندى

استانا. قازاقپارات - Air Astana اۋە كومپانياسى اقتوبەدەن الماتىعا شىققان ۇشاقتىڭ كەشىگۋىنە قاتىستى تۇسىنىكتەمە بەردى.

«16-تامىزدا Airbus A321 ۇشاعىن سۇيرەتۋ كەزىندە شاسسيدىڭ تۇمسىق تىرەگىندەگى بەكىتپە زاقىمدانعان. اقتوبە-الماتى باعىتى بويىنشا ك س866 رەيسى الدىمەن 17-تامىزعا دەيىن كەشىكتىرىلىپ، كەيىن توقتاتىلدى. جولاۋشىلارعا بيلەت قۇنىن ايىپپۇلسىز قايتارۋ ۇسىنىلدى»، - دەلىنگەن اقپاراتتا.

ۇشاقتى جوندەۋ ءۇشىن جولاۋشىلاردى قالدىرىپ استاناعا جەتكىزۋ تۋرالى شەشىم قابىلدانعان. الايدا، ەلوردا اۋەجايىنىڭ تۇنگى ۋاقىتتا جابىلۋىنا بايلانىستى اۋەكومپانيا رەيستى 19-تامىزعا قالدىرۋعا ءماجبۇر بولعان.

«اقتوبەدە ۇشاقتىڭ زاقىمدانۋى باسقا دا ونداعان رەيستەردىڭ كەشىگۋىنە اكەلدى»، - دەيدى Air Astana-دان.