اقتوبەدە تەرگەۋ يزولياتورىندا كۇدىكتى وزىنە قول جۇمسادى
اقتوبە. KAZINFORM - كامەلەت جاسقا تولماعان بالانى زورلادى دەگەن كۇدىككە ىلىككەن اقتوبەلىك تەرگەۋ يزولياتورىندا ءوز-وزىنە قۇل جۇمسادى.
اقتوبە وبلىستىق ق ا ج د- ءنىڭ حابارلاۋىنشا، كۇدىكتى سۋيتسيد جاساعان.
- اقتوبە قالاسىنداعى تەرگەۋ يزولياتورىندا 16 جاسقا تولماعان بالاعا ازعىندىق جاسادى دەگەن كۇدىككە ىلىككەن كۇدىكتى ءوز-وزىنە قول جۇمسادى. ودان قانداي دا ءبىر زورلىق-زومبىلىق بەلگىسى تىركەلمەدى. قازىر سوتالدى تەرگەۋ ءجۇرىپ جاتىر. ساراپتاما تاعايىندالدى، - دەپ حابارلادى اقتوبە وبلىستىق قىلمىستىق اتقارۋ جۇيەسى دەپارتامەنتى.
دەپارتامەنت ونىڭ قاي ءىس بويىنشا كۇدىكتى ەكەنىن ناقتىلامادى.
ەسكە سالساق، اقتوبەدە 14 جاستاعى قىزدى تۋىستارى بىرنەشە جىل بويى زورلاپ كەلدى دەگەن كۇدىكپەن قىلمىستىق ءىس قوزعالدى. تەرگەۋ سوتى كۇدىكتىلەردى ءۇي قاماققا جىبەرۋگە شەشىم قابىلداعان.