اقتوبەدە قىزعالداق ۇستاپ فوتوعا تۇسكەن اكىمنىڭ ءىسى سوتقا ءتۇستى

اقتوبە. KAZINFORM - قۇدايبەرگەن جۇبانوۆ اتىنداعى اۋىلدىق وكرۋگ اكىمى ءلاززات بەردىبايەۆا گۇل جۇلعان بالاسى ءۇشىن سوت الدىندا جاۋاپ بەرەدى.

اقتوبە وبلىستىق سوتى باسپا ءسوز قىزمەتىنىڭ حابارلاۋىنشا، وبلىستىق كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا ءتۇسىپ قۇدايبەرگەن جۇبانوۆ اتىنداعى اۋىلدىق وكرۋگ اكىمى ءلاززات بەردىبايەۆاعا قاتىستى ءىس ءتۇستى. سوت 13 -مامىر كۇنى ساعات 10:30-عا بەلگىلەنگەن. سوت اشىق وتەدى.

ايتا كەتەيىك، مۇعالجار اۋدانى قۇدايبەرگەن جۇبانوۆ اتىنداعى اۋىلدىق وكرۋگ اكىمى ءلاززات بەردىبايەۆاعا اكىمشىلىك قۇقىقبۇزۋشىلىق تۋرالى كودەكستىڭ «كامەلەتكە تولماعان ادامدى تاربيەلەۋ جانە (نەمەسە) وعان ءبىلىم بەرۋ، ونىڭ قۇقىقتارىن جانە (نەمەسە) مۇددەلەرىن قورعاۋ جونىندەگى مىندەتتەردى، قاۋىپسىزدىگىن قامتاماسىز ەتۋ جونىندەگى شارالاردى ورىنداماۋ» بابى بويىنشا حاتتاما تولتىرىلدى.

كودەكسكە سۇيەنسەك، اكىم 10 ايلىق ەسەپتىك كورسەتكىش كولەمىندە ايىپپۇل تولەيدى. بۇل دەگەنىمىز 39320 تەڭگە.

قۇدايبەرگەن جۇبانوۆ اتىنداعى اۋىلدىق وكرۋگ اكىمى ءلاززات بەردىبايەۆا ءوز سوزىندە گۇلدى قىزدارى جۇلىپ اكەلگەنىن ايتقان. ونىڭ ءىسى ادەپ كەڭەسىندە دە قارالۋى مۇمكىن.

اۆتور

التىناي ساعىندىقوۆا