اقتوبەدە كوزى ءتىرى جالعىز سوعىس ارداگەرىنە 2 ميلليون تەڭگە بەرىلەدى

  اقتوبە. KAZINFORM - اقتوبە وبلىسىندا كوزى ءتىرى جالعىز سوعىس ارداگەرى قالدى. ۆاسيليي گرەتسكييگە بيىل 2140000 تەڭگە بەرىلەدى.

جەڭىس كۇنى سوعىس ارداگەرىمەن قاتار تىڭ ەڭبەككەرلەرى مەن سوعىس ارداگەرلەرىنىڭ جەسىرلەرىنە دە الەۋمەتتىك تولەم قاراستىرىلدى.

- ەكىنشى دۇنيەجۇزىلىك سوعىس ارداگەرلەرىنىڭ جەسىرلەرىنە 100 مىڭ تەڭگە، كەيبىر اۋداندا ءماسليحات شەشىمىنە بايلانىستى 150 مىڭ تەڭگە بەرىلەدى. سونىمەن بىرگە سوعىس كەزىندە جارالانىپ، كونتۋزيا الىپ، مەرتىگىپ، اۋرۋعا شالدىعىپ، قايتىس بولعان ادامدارىنىڭ زايىبىنا 150 مىڭ تەڭگە، تىل ەڭبەككەرلەرىنە 100 مىڭ تەڭگە تاعايىندالدى. سوعىس قاتىسۋشىلارىنا، سوعىس كەزىنە جارالانۋ، كونتۋزيا الىپ، مەرتىگىپ، اۋرۋعا شالدىعۋىنا بايلانىستى مۇگەدەكتىگى بار ادامدارعا تەڭەستىرىلگەن باسقا دا سوعىس قيمىلىنداعى ادامدارعا 230 مىڭ تەڭگە بەرىلەدى، - اقتوبە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باس مامانى بەكبولات يمانعاليەۆ.