اقتوبەدە جول-كولىك اپاتىنان ءتورت ادام مەرت بولدى
14:28, 10 - اقپان 2026
اقتوبە. KAZINFORM - وقيعا اقتوبە-ورسك تاسجولىندا بولدى. قىلمىستىق ءىس قوزعالىپ، تەرگەۋ باستالدى.
قارعالى اۋدانى قوسەستەك اۋىلىندا جەڭىل جانە جۇك كولىگى سوقتىعىستى. پوليتسيا وقيعا ورنىنا بارىپ، سوتقا دەيىنگى تەرگەپ-تەكسەرۋدى باستادى.
- الدىن الا مالىمەتتەرگە سايكەس، Opel ماركالى جەڭىل اۆتوكولىكتىڭ جۇرگىزۋشىسى قارسى قوزعالىس جولاعىنا شىعىپ، DAF ماركالى جۇك كولىگىمەن سوقتىعىسقان. جول-كولىك وقيعاسى سالدارىنان جەڭىل اۆتوكولىكتىڭ جۇرگىزۋشىسى مەن ءۇش جولاۋشىسى وقيعا ورنىندا كوز جۇمدى، - دەدى اقتوبە وبلىستىق پ د باستىعىنىڭ ورىنباسارى اردانا سايماعامبەتوۆ.
بۇعان دەيىن حابارلاعانىمىزداي، اقتوبە-اتىراۋ تاسجولىندا ءبىر مەزەتتە 10 كولىك سوقتىعىسىپ، 3 ادام جەڭىل جاراقاتتاندى.