اقتوبە وبلىستىق سوتىنىڭ باسپا ءسوز قىزمەتىنىڭ حابارلاۋىنشا، بۇگىن كۇدىكتى ەكى ايعا قامالدى. تەرگەۋ سوتى سانكتسيا شىعاردى.
ال جابىرلەنۋشى ايەل ەم قابىلداۋىن جالعاستىرىپ جاتىر.
- ناۋقاس وبلىستىق كوپسالالى اۋرۋحانادا ەم الۋىن جالعاستىرىپ جاتىر. جاعدايى تۇراقتى، ساۋىعىپ كەلەدى. ناۋقاسپەن پسيحولوگتار جۇمىس ىستەپ جاتىر، - دەدى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ايتا كەتەيىك، جابىرلەنۋشى ايەلدىڭ مارقۇم اتا- اناسى بۇگىن جەرلەندى. ولاردىڭ دەنەسى ءوز ۇيلەرىنەن شىعارىلدى.
ەسكە سالساق، 13 - قاڭتار كۇنى تۇندە اقتوبەدە تۇندە 75 جانە 67 جاستاعى قوس قاريا كوز جۇمدى. وسى وقيعادان سوڭ قىلمىستىق كودەكستىڭ «ادام ءولتىرۋ»، «ادامدى كەپىلگە الۋ» باپتارى بويىنشا ءىس قوزعالىپ، تەرگەۋ ءجۇرىپ جاتىر.