اقتوبەدە الەۋمەتتىك گازدى جاسىرىن ساتقان قىلمىستىق توپ ۇستالدى

اقتوبە. KAZINFORM - اقتوبەدە قىلمىستىق توپ جالعان قۇجات جاساپ، 12 ۆاگون سۇيىتىلعان گازدى ساتپاق بولدى. ولار مۇناي- گاز كومپانياسىنىڭ قىزمەتكەرلەرى بولىپ شىقتى.

اقتوبە وبلىستىق پ د ۇيىمداسقان قىلمىسقا قارسى كۇرەس باسقارماسى، پروكۋراتۋرا مەن ۇ ق ك د الەۋمەتتىك گازدى ۇرلاپ، ساتپاق بولعان كۇدىكتى توپتى ۇستادى. ولار گاز وڭدەۋ كومپانياسىنىڭ جۇمىسشىلارى بولىپ شىقتى. الدىمەن گازدىڭ قۇرامىن تەكسەرىپ، ونى جارامسىز دەپ تانيدى. كەيىن جيناپ، ساتۋعا كىرىسكەن.

- ولار ەسەپكە الىنباعان گازدى جيناقتاپ، كەيىن تەمىر جول ارقىلى تاسىمالداعان. كەن ورنىنان ساتۋ ورنىنا بارا جاتقان جولدا ۇرلانعان گاز بار 12 ۆاگون ۇستالدى. ءتيىستى ساراپتامالار تاعايىندالدى، ناتيجەلەرى بويىنشا كەلتىرىلگەن شىعىننىڭ سوماسى بەلگىلەنەتىن بولادى. جەدەل- تەرگەۋ ءىس-شارالارى جالعاسىپ جاتىر، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

قازىر قىلمىستىق كودەكستىڭ «ۇرلىق» بابى بويىنشا ءىس قوزعالىپ، تەرگەۋ ءجۇرىپ جاتىر.

ەسكە سالساق، بىلتىر جاز بويى اقتوبە وڭىرىنە بولىنگەن سۇيىتىلعان گاز كولەمى ءبىر ايعا جەتپەي قالدى.

اۆتور

التىناي ساعىندىقوۆا