ناتيجەسىندە ءوڭىردىڭ قوبدا جانە قارعالى اۋداندارىندا، سونداي-اق اقتوبە قالاسىنىڭ اقجار-1، قىزىلجار، قارعالى، جوعارعى قارعالى، ورلەۋ جانە سازدى تۇرعىن اۋداندارىندا جەراستى سۋلارىن زاڭسىز پايدالانۋ فاكتىلەرى انىقتالدى. ەكى كاسىپورىننىڭ سۋ بۇرۋعا رۇقساتى بولماعانى انىقتالدى.
- اكىمشىلىك قۇقىق بۇزۋشىلىق تۋرالى كودەكستىڭ 462-بابىنىڭ 3-تارماعىنا سايكەس، 5 كوممۋنالدىق شارۋاشىلىققا سۋ پايدالانۋعا ارنايى رۇقساتتىڭ جوقتىعى ءۇشىن ايىپپۇل سالىندى. بارلىعى 3,7 ميلليون تەڭگە ءوندىرىلدى، - دەدى جايىق- كاسپي باسسەيندىك ينسپەكتسياسىنىڭ باسشىسى ەرعالي ۇمبەتبايەۆ.
بۇعان دەيىن قىزىلوردا وبلىسىندا 6 شارۋا قوجالىعى 2,3 ميلليون تەكشە مەتردەن استام سۋدى زاڭسىز پايدالانعانى انىقتالعان بولاتىن. ال ارال- سىرداريا باسسەيندىك ينسپەكتسياسىنىڭ ماماندارى شاردارا اۋداندىق پروكۋراتۋراسىمەن بىرلەسىپ، تۇركىستان وبلىسىندا تىركەلمەگەن 24 سورعى قوندىرعىسىن انىقتادى.
بۇعان دەيىن حابارلدانعانداي، قازاقستاندا جاڭا سۋ كودەكسى كۇشىنە ەندى.