استانا. KAZINFORM - بۇگىن اقتوبە وبلىسى قوبدا اۋدانىندا «سامارا- شىمكەنت» رەسپۋبليكالىق ماڭىزى بار اۆتوجولدا 6 جەڭىل اۆتوكولىگى بار كولىك ورتەندى، دەپ حابارلايدى ق ر توتەنشە جاعدايلار مينيسترلىگىنىڭ باسپاءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، ءورت كولىكتىڭ موتور بولىگىنەن شعىپ، تيەلگەن اۆتوموبيلدەرگە كوشكەن ءورت ءسوندىرىلدى. ءورت سوندىرۋشىلەردىڭ جەدەل ارەكەتتەرىنىڭ ارقاسىندا 3 جەڭىل اۆتوكولىك ورتتەن امان قالدى.
«وزدىگىنەن ءسوندىرۋ ارەكەتى كەزىندە 1996 -جىلى تۋعان اۆتوكولىك جۇرگىزۋشىسى جانە 1994 -جىلى تۋعان قىرعىز رەسپۋبليكاسىنىڭ ازاماتىن كۇيىك شالىپ، ولار توتەنشە جاعدايلار قىزمەتىنىڭ كۇشىمەن اۋداندىق اۋرۋحاناعا جەتكىزىلىپ، دارىگەرلەرگە تابىستالدى»، - دەلىنگەن حابارلامادا.
وسىعان دەيىن ورالدا اۆتوبۋس ورتەنىپ، جۇرگىزۋشىسى اۋرۋحاناعا جەتكىزىلگەنى تۋرالى جازعان ەدىك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.