اقتوبەدە كاسىپكەردى اتىپ ولتىرگەن كۇدىكتىنى پوليتسيا تاپپاي جاتىر

اقتوبە. KAZINFORM - قىلمىستىق وقيعا كەشە تاڭدا بولدى. ارادا ءبىر تاۋلىكتەن استام ۋاقىت وتسە دە، پوليتسيا كۇدىكتىنى تابا المادى.

Фото: polisia.kz

اقتوبە قالاسى نۇرلى تاڭ كوشەسىندەگى ءۇيدىڭ اۋلاسىندا بولعان قىلمىستىق وقيعا كەزىندە جانار-جاعارماي جەلىسىنىڭ ديرەكتورى كوز جۇمدى.

بىرنەشە ب ا ق ونىڭ كاسىپكەر ايبولات جيسوۆ بولۋى مۇمكىن ەكەنىن جازدى. مارقۇمدى جەرلەۋ ءراسىمى ەرتەڭ وتەدى.

اقتوبە وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، كۇدىكتى ءالى ۇستالمادى، ىزدەۋ جالعاسىپ جاتىر.

ەسكە سالايىق، كەشە اقتوبەدە 49 جاستاعى ەر ادامعا وق ءتيىپ، ول ءوز ءۇيىنىڭ اۋلاسىندا كوز جۇمدى. بەتپەردە كيگەن بەيتانىس ادام باعالى زاتتاردى العان، كەيىن كولىكتى ايداپ كەتكەن. ءىس قىلمىستىق كودەكسىنىڭ 99-بابى 2-بولىگىمەن تىركەلىپ، تەرگەۋ ءجۇرىپ جاتىر.