ءاليا مولداعۇلوۆا حالىقارالىق اۋەجايى رەسمي پاراقشا ارقىلى قازا بولعان جولاۋشىنىڭ تۋىستارى مەن جاقىندارىنا كوڭىل ايتتى.
- ۇشاق جەرگە قونعان كەزدە شۇعىل ارەكەت ەتۋ قىزمەتى مەن جەدەل جاردەم بريگاداسى جەتتى. وكىنىشكە قاراي جولاۋشىنى امان الىپ قالۋ مۇمكىن بولمادى. 1983-جىلى تۋعان جولاۋشى ۇشاق اقتوبە اۋەجايىنا قونباي تۇرىپ كوز جۇمعان. اقتوبە حالىقارالىق اۋەجايى جولاۋشىنىڭ تۋىستارى مەن جاقىندارىنا كوڭىل ايتادى. جەردەگى قىزمەتپەن بايلانىسقا شىعىپ، بىرگە جۇمىس ىستەگەن اۋە كەمەسىنىڭ ەكيپاجىنا العىسىمىزدى ايتامىز، - دەپ حابارلادى ءاليا مولداعۇلوۆا حالىقارالىق اۋەجايى.
ەسكە سالساق، Nordwind Airlines اۋەكومپانياسىنىڭ Boeing-777 ۇشاعى شۇعىل قوندى. جولاۋشىنىڭ ءبىرى ءوزىن جايسىز سەزىنىپ، كەيىن ونىڭ كوز جۇمعانى بەلگىلى بولدى. ۇشاقتان وزگە جولاۋشىلار شىعارىلماعان.