اقتوبە وبلىستىق پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جانە ارنايى ماقساتتاعى بولىمشە جاۋىنگەرلەرى قالا تۇرعىندارىن بوپسالاۋ جانە توناۋمەن اينالىسقان توپتى ۇستادى. ولار ات-ءجونسىز قارىزسىڭ دەپ ايتىپ، كۇش كورسەتكەن.
- نەسيە راسىمدەۋگە جانە دەپوزيتتەگى اقشا شەشىپ بەرۋگە ماجبۇرلەگەن. وسىلايشا ولار زاڭسىز جولمەن 700 مىڭ تەڭگەنى يەمدەنىپ، جابىرلەنۋشىگە ماتەريالدىق شىعىن كەلتىرگەن. جۇرگىزىلگەن جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى جەتى كۇدىكتىنىڭ جەكە باسىن انىقتاپ، ولاردى ۇستادى. بارلىعى ىشكى ىستەر ورگاندارىنا جەتكىزىلدى،- دەپ حابارلادى اقتوبە وبلىستىق پ د باسپا ءسوز قىزمەتى.
قازىر تەرگەۋ ءجۇرىپ جاتىر. كۇدىكتىلەردىڭ تاعى كىمدەردى قورقىتقانى ازىرگە بەلگىسىز. پوليتسيا ۇقساس وقيعالاردى ىزدەيدى.
ايتا كەتەيىك، ءى ءى م ماۋسىمدا عانا ەلىمىزدە بوپسالاۋ قىلمىسى عا ازايعانىن حابارلادى.