جاعالاۋداعى اۋقىمدى كونسەرتتە ازەربايجاننىڭ اتاقتى ءانشىسى روزا زەرگەرلي Istedim ءانىن ورىنداپ، كوپشىلىكتىڭ قوشەمەتىنە بولەندى.
سونداي-اق، دروندار شوۋى ۇيىمداستىرىلدى.
ءبىر مەزگىلدە 600 درون اسپانعا كوتەرىلىپ، شوۋ جاسادى
كوكتە اققۋلار، اقبوكەندەر، كۇن، اي، ايگىلى بوزجىرا شاتقالى، ۇلتتىق اسپاپ - قوبىز، جەبە مەن ساداق بەينەلەندى
سودان سوڭ، «اقتاۋ-2025 تۇركى الەمىنىڭ استاناسى» دەگەن جازۋ جازىلىپ، قازاقستاننىڭ مەملەكەتتىك تۋى بەينەلەندى.
ەسكە سالساق، وسىعان دەيىن اقتاۋ قالاسىندا «اقتاۋ - تۇركى الەمىنىڭ مادەني استاناسى» گالا-كونسەرتىنىڭ اشىلۋ سالتاناتى وتكەنىن جازدىق
سونىمەن قاتار پرەزيدەنت اقتاۋعا تۇركى الەمىنىڭ مادەني استاناسى مارتەبەسىنىڭ بەرىلۋىمەن قۇتتىقتادى.