اقتاۋدا وق جاراقاتىن العان سارباز مەرت بولدى

استانا. KAZINFORM - جاس سارباز قارۋدى ۇستاۋ ەرەجەسىن ساقتاماۋ سالدارىنان جاراقات الىپ، ارتىنان قايتىس بولعان. بۇل اقپاراتتى اقتاۋ گورنيزونىنىڭ باسپا ءسوز قىزمەتى راستادى.

«2024-جىلعى 7-قىركۇيەكتە «باتىس» وڭىرلىك قولباسشىلىعى بولىمشەلەرىنىڭ «ويماشا» پوليگونىندا ءوتىپ جاتقان جيىن كەزىندە قارۋدى پايدالانۋ ەرەجەلەرىن ساقتاماۋ سالدارىنان مەرزىمدى اسكەري قىزمەتشى وق جاراقاتىن الىپ، قازا تاپتى»، - دەلىنگەن حابارلامادا.

قازىر قايعىلى وقيعانىڭ سەبەبى انىقتالۋدا.

«اتالعان فاكتى بويىنشا قىلمىستىق ءىس قوزعالدى. تەرگەۋ مۇددەسى ءۇشىن وزگە اقپاراتتار جاريالاۋعا جاتپايدى»، - دەيدى اقتاۋ گورنيزونىنان.

سارباز ولىمىنە بايلانىستى قارۋلى كۇشتەر قۇرلىق اسكەرلەرىنىڭ قولباسشىلىعى مەن جەكە قۇرامى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى.

ەسكە سالا كەتسەك، تاياۋدا سارىوزەك گارنيزونىندا اسكەري قىزمەتشىگە ابايسىزدا وق تيگەنى تۋرالى حابارلاعان ەدىك.

اسكەري قىزمەتشى قارۋ-جاراق قولدانۋ ەرەجەسىن ساقتاماي، سونىڭ سالدارىنان وق جاراقاتىن العان.