اقتاۋدا جاڭاجىلدىق شىرشا قۇلاپ قالدى
اقتاۋدا قاتتى سوققان جەلدىڭ سالدارىنان امفيتەاتر الاڭىنا ورناتىلعان جاڭاجىلدىق شىرشا قۇلاپ قالدى، دەپ حابارلايدى Kazinform.
قالا اكىمدىگىنىڭ باسپا ءسوز قىزمەتى مەرەكە وراي ورناتىلعان شىرشانىڭ قاتتى جەلگە شىداماعانىن جەتكىزدى.
«اقتاۋدا جەلدىڭ ەكپىنى سەكۋندىنا 15-25 مەترگە جەتىپ، سالدارىنان قالانىڭ باس شىرشاسى قۇلاپ قالدى. ماماندار جەل باسىلعان سوڭ شىرشانى قايتا ورناتادى»، - دەدى قالا اكىمدىگىنىڭ باسپا ءسوز قىزمەتى.
اقتاۋ قالالىق تۇرعىن ءۇي-كوممۋنالدىق شارۋاشىلىق ءبولىمى شىرشانى ورناتۋ كەزىندە تەحنيكالىق ارنايى بەتون بلوكتار، تروس سىم قولدانىلعانىن العا تارتتى.
جەل باسىلعان سوڭ قۇلاعان كونترۋكتسيانى ورناتۋ جۇمىسى جۇرگىزىلەدى.
- 28-جەلتوقسان كۇنى اۋا رايىنىڭ قولايسىزدىعىنا بايلانىستى 15 شاعىن اۋدان امفيتەاتر الاڭىندا ورناتىلعان شىرشانىڭ قۇلاۋ دەرەگى تىركەلدى. امفيتەاتر الاڭىنىڭ اينالاسىندا قۇرىلىس نىساندارى، عيماراتتار بولماعاندىقتان اشىق الاڭقايدا جەلدىڭ ەكپىنى قاتتى سەزىلەدى. شىرشا ورناتۋ بارىسىندا تەحنيكالىق تالاپتاردىڭ بارلىعى ساقتالعان بولاتىن. تروسس سىمدارى مەن تەمىر بەتوندار تۇرعانىنا قاراماستان وسىنداي جاعداي ورىن الدى. مەردىگەر مەكەمە تاراپىنان شىرشانى قايتا ورناتۋ جۇمىستارى اۋا-رايى تۇراقتالعاننان كەيىن جۇرگىزىلەدى. كەلتىرىلگەن قولايسىزدىقتار ءۇشىن اكىمدىك تاراپىنان كەشىرىم سۇرايمىز، - دەدى اقتاۋ قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ باسشىسى جانبولات جاقىپوۆ.