اقتاۋ. KAZINFORM - وقيعا 7-شىلدە كۇنى №2-قوعامدىق كولىكتە بولعان. كوندۋكتور اۆتوبۋس جۇرگىزۋشىسىنە بارا جاتقان جولاۋشىنى ۇستاۋعا تىرىسقانىمەن، ول وعان كۇش بەرمەي جۇرگىزۋشىنىڭ بەتىنەن ۇرعان. قوعامدىق كولىكتىڭ جۇرگىزۋشىسى ەش سەبەپسىز تاياق جەپ، مەديتسينالىق كومەككە جۇگىندى.
پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وسى وقيعاعا قاتىستى «بۇزاقىلىق» فاكتىسى بويىنشا قىلمىستىق ءىس قوزعالعان. تەرگەۋ جۇرگىزىلۋدە. كۇدىكتىنى ۇستاۋعا باعىتتالعان جەدەل- ىزدەستىرۋ ءىس- شارالارىنىڭ كەشەنى قابىلداندى. تەرگەۋ مۇددەسى ءۇشىن وزگە دە مالىمەتتەر جاريا ەتىلمەيدى.
ايتا كەتەيىك، بىلتىر الماتىدا №47-شى باعىتتاعى قوعامدىق كولىكتىڭ ىشىندە جولاۋشى جانجال شىعارىپ، جۇرگىزۋشى ايەلدى ۇرعان ەدى. سالدارىنان ايەل ەسىنەن تانىپ، كولىكتى باسقارا الماي، ايالدامادا تۇرعان ءبىر توپ ادامدى قاققان بولاتىن.
اتالعان وقيعادان 7 ادام زارداپ شەگىپ، 3 ادام قايتىس بولدى.
اۆتور
اياگوز ءىزباساروۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан