اقتاۋدا ارالاس جەكپە-جەك شەبەرىنىڭ ءمايىتى تابىلدى

استانا. KAZINFORM - عالامتوردا اقتاۋداعى 3-شاعىن اۋداننان تابىلعان ەر ادامنىڭ دەنەسى تۋرالى اقپارات تارادى. Lada.kz ءتىلشىسىنىڭ مالىمەتىنشە، ول بۇرىن ءتۇرلى تۋرنيرلەرگە قاتىسقان جەكپە- جەك شەبەرى.l

WhatsApp مەسسەندجەرىندە 3-شاعىن اۋدانىنداعى قوقىس كونتەينەرلەرىنىڭ جانىنان دەنەسى تابىلعان ارالاس جەكپە-جەك سپورتشىسى ۆۋسال جافاروۆتىڭ سۋرەتتەرى تارادى. ونىڭ دەنە ءپىشىنى بۇزىلعان، تولىق ىسىنگەن، قارايعان.

پوليتسيا دەپارتامەنتى اقپاراتتى راستادى. ءمايىت ءبىر كۇن بۇرىن، ياعني 20 -قىركۇيەكتە تابىلعان.

- تابىلعان ءمايىت بويىنشا سوتقا دەيىنگى تەرگەۋ باستالدى. ساراپتاما تاعايىندالدى. تەرگەۋ جالعاسىپ جاتىر. باسقا مالىمەتتەر تەرگەۋ مۇددەسى ءۇشىن جاريالانبايدى، - دەلىنگەن ۆەدومستۆو مالىمدەمەسىندە.

قولدانۋشىلار ۆۋسال جافاروۆتى ۇرىپ-سوققانىن، دەنەسى كوشەدە بىرنەشە كۇن بويى جاتىپ قالعانىن جازدى.

اشىق اقپارات كوزدەرىنە سۇيەنسەك، ۆۋسال جافاروۆ 1994 -جىلى 10-قاڭتاردا دۇنيەگە كەلگەن. كاسىبي مانسابىن 2015 -جىلى باستادى. ول ءتورت جەكپە- جەك وتكىزىپ، بىرەۋىندە جەڭىسكە جەتىپ، ۇشەۋىندە جەڭىلگەن.