اقتاۋدا ارالاس جەكپە-جەك شەبەرىن ايۋاندىقپەن ءولتىرىپ، ءمايىتىن قوقىسقا تاستاعان

استانا. KAZINFORM - اقتاۋداعى 3-شاعىن اۋداننان بەلگىسىز ەر ادامنىڭ دەنەسى تابىلعان. Lada.kz ءتىلشىسىنىڭ مالىمەتىنشە، ونىڭ ارالاس جەكپە-جەك شەبەرى ۆۋسال جافاروۆ ەكەنى انىقتالدى.

WhatsApp مەسسەندجەرىندە قوقىس كونتەينەرلەرىنىڭ جانىندا جاتقان ۆۋسال جافاروۆتىڭ سۋرەتتەرى تارادى. ونىڭ دەنەسى كوگەرىپ، ءىسىنىپ كەتكەن.

پوليتسيا دەپارتامەنتى ءمايىتتىڭ 20-قىركۇيەكتە تابىلعانىن راستادى.

«تابىلعان ءمايىت بويىنشا سوتقا دەيىنگى تەرگەۋ باستالدى. ساراپتاما تاعايىندالدى. تەرگەۋ جالعاسىپ جاتىر. باسقا مالىمەتتەر تەرگەۋ مۇددەسى ءۇشىن جاريالانبايدى»، - دەلىنگەن ۆەدومستۆو مالىمدەمەسىندە.

جەلى قولدانۋشىلارىنىڭ ايتۋىنشا، ۆۋسال جافاروۆتى ۇرىپ-سوققان، دەنەسى كوشەدە بىرنەشە كۇن بويى جاتىپ قالعان.

ايتا كەتەيىك، ۆۋسال جافاروۆ 1994-جىلى 10-قاڭتاردا دۇنيەگە كەلگەن. كاسىبي مانسابىن 2015-جىلى باستاپ، ءتورت جەكپە-جەك وتكىزگەن.