استانا. قازاقپارات - اقتاۋدا بولعان وقيعانىڭ ۆيدەوسى كۇنى كەشە الەۋمەتتىك جەلىگە تاراپ كەتكەن ەدى. پوليتسيا بۇگىن ونىڭ ۇستىنەن ءىس قوزعالعانى جونىندە اقپارات تاراتتى، دەپ حابارلايدى Ulysmedia.kz.
ايەل اقتاۋداعى بالالار الاڭىندا بىرەۋدىڭ بالاسىن ۇرعان. بۇل تۋرالى اۋەلى لادا رەداكسياسى جازدى. بەينەروليكتە قالانىڭ 20-شاعىن اۋداننىڭ تۇرعىندارى ويىن الاڭىندا وتىرعان بالانى ۇرىپ-سوققان ايەلگە شاعىمدانادى. ايماق پوليتسيا دەپارتامەنتىندە بۇل فاكت راستالدى.
- ايەلدىڭ جەكە باسى انىقتالدى. ول قوعامدىق ورىنداردا قۋدالاۋ فاكتىسى بويىنشا جاۋاپقا تارتىلدى، - دەدى اۋەلى پوليتسيا.
الايدا كۇن وتكەن سوڭ پوليتسيا ونىڭ ۇستىنەن قىلمىستىق ءىس قوزعاعان. قىلمىستىق ءىس قىلمىستىق كودەكستىڭ 109-بابى (ۇرىپ-سوعۋ) بويىنشا قوزعالىپ وتىر. قاجەتتى ساراپتامالار تاعايىندالدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан