اقتاۋدا اپاتقا ۇشىراعان ۇشاقتا قازاقستان ازاماتتارى بولعان

اقتاۋ. KAZINFORM - اقتاۋ قالاسىنىڭ ماڭىندا « باكۋ- گروزنىي» باعىتىنداعى ۇشاق اپاتقا ۇشىراعان بولاتىن. بۇل ۇشاق Azerbaijan Airlines اۆياكومپانياسىنا تيەسىلى.

ق ر كولىك مينيسترلىگى ءمالىم ەتكەندەي، ازەربايجان تاراپىنىڭ الدىن الا اقپاراتى بويىنشا، بورتتا 62 جولاۋشى مەن 5 ەكيپاج مۇشەسى بولعان.

الدىن الا اقپاراتقا سايكەس بورتتا 37 ازەربايجان، 6 قازاقستان، 3 قىرعىزستان، 16 ر ف ازاماتى بولعان.

وقيعا ورنىنا ق ر توتەنشە جاعدايلار مينيسترلىگى جەكە قۇرامىنىڭ 52 ادامى مەن 11 بىرلىك تەحنيكاسى بارعانىن جازعان بولاتىنبىز.

وقيعانىڭ ءمان- جايى ناقتىلانادى. ارنايى تەرگەۋ جۇرگىزىلەدى.