اقتاۋ - تۇركى الەمىنىڭ مادەني استاناسى مارتەبەسىنە يە بولدى
اقتاۋ. KAZINFORM - اقتاۋ تۇرىكمەنستاننىڭ اناۋ قالاسىنان ەستافەتا قابىلدادى. بۇل تۋرالى اشحابادتا وتكەن تۇركسوي تۇركى مادەنيەتى مەن ونەرىن دامىتۋ جونىندەگى حالىقارالىق ۇيىمعا مۇشە مەملەكەتتەردىڭ 41- وتىرىسىندا ءمالىم بولدى. شارادا ماڭعىستاۋلىق دەلەگاتسيا اناۋ قالاسىنان «تۇركى الەمىنىڭ مادەني استاناسى» مارتەبەسىن قابىلداپ الدى.
بيىل تۇرىكمەنستاننىڭ اناۋ قالاسى جىل بويى تۇركى تىلدەس اعايىندىلاردى قابىلداپ، كينوفەستيۆالدار، كورمەلەر، عىلىمي كونفەرەنسيالار، جاستار فورۋمدارىن قوسا العاندا، ءتۇرلى حالىقارالىق ءىس- شارالار وتكىزگەن.
ەندى بۇل ميسسيا اقتاۋ قالاسىنا جۇكتەلدى. ماڭعىستاۋدىڭ ورتالىعى اقتاۋدا دا سونداي ءىس- شارالار جوسپارلانعان. وعان قوسا، اقىندار ايتىسى، سۋرەتشىلەر مەن مۇسىنشىلەر سيمپوزيۋمى، قولونەرشىلەر فەستيۆالى، تاريحي- عىلىمي كونفەرەنتسيالار وتكىزىلەدى. سونداي- اق، اقتاۋدا تۇركى الەمىنىڭ ۇلى عالىمدارىنىڭ ءومىرى مەن ەڭبەكتەرىنە ارنالعان كەزدەسۋلەر جانە باسقا دا ماڭىزدى تانىمدىق ءىس- شارالار وتكىزۋ كوزدەلگەن.
«اقتاۋ - تۇركى الەمىنىڭ مادەني استاناسى» مەرەيلى جىلى اياسىنداعى شارالار 2025 -جىلدىڭ ناۋرىز ايىندا باستالادى.
ەسكە سالا كەتەيىك، بۇعان دەيىن بالا تۋۋ كورسەتكىشى بويىنشا تۇركىستان مەن ماڭعىستاۋ وبلىسى، شىمكەنت قالاسى كوش باستاعانىن جازعان بولاتىنبىز.