اقتاۋ تۇرعىندارى رەسپۋبليكا كۇنىنە وراي بالكونىنا تۋ ءىلدى

 اقتاۋلىقتار رەسپۋبليكا كۇنىنە وراي بالكونىنا مەملەكەتتىك تۋدى ءىلىپ، اكسياعا ۇلەس قوستى، دەپ حابارلايدى Kazinform. 

اكسياعا 26، 14، 28، 17، 11، 28ا جانە 21 شاعىن اۋدان تۇرعىندارى بەلسەندى قاتىستى. اكسياعا ۇلەس قوسقانداردىڭ ءبىرى – 21-شاعىن اۋدان تۇرعىنى تولقىن جاراسوۆا. ول وسى ءىس-شاراعا ۇلەس قوسۋ ارقىلى ۇلتتىق مەرەكەنى اتاپ ءوتتى.

«رەسپۋبليكا كۇنى - ۇلتتىق مەرەكە. بۇل كۇندى ءاربىر قازاقستاندىق ەرەكشە اتاپ ءوتۋى كەرەك دەپ ەسەپتەيمىن. اكسياعا قاتىسۋ ءۇشىن تاڭەرتەڭ تۇرىپ، ءۇيىمنىڭ بالكونىنا مەملەكەتتىك تۋدى ءىلدىم. اكسياعا قاتىسۋ ارقىلى ۇلتتىق مەرەكەنىڭ اتالىپ وتۋىنە ءوز ۇلەسىمدى قوسقانىما قۋانىشتىمىن. اقتاۋلىقتاردى رەسپۋبليكا كۇنىمەن قۇتتىقتايمىن! ەلىمىز امان، جۇرتىمىز تىنىش بولسىن!» - دەدى تولقىن جاراسوۆا.

ءىس-شارانى اقتاۋ قالالىق ىشكى ساياسات جانە تىلدەردى دامىتۋ ءبولىمى ۇيىمداستىرعان.

«25-قازان - رەسپۋبليكا كۇنىندە اقتاۋلىقتار دا تۇرعىن ءۇيدىڭ بالكونىنا تۋ ءىلىپ، اكسياعا ۇلەس قوستى. بەلسەندى تۇرعىندار وسىلايشا باسقالارعا مەرەكەلىك كوڭىل كۇي سىيلاۋدى ماقسات تۇتقان. جاس ۇرپاقتىڭ بويىندا رامىزدەرىمىزگە دەگەن قۇرمەتتى كۇشەيتۋگە باعىتتالعان ءىس-شاراعا قاتىسقاندارعا العىس بىلدىرەمىز»، - دەدى اقتاۋ قالالىق ىشكى ساياسات جانە تىلدەردى دامىتۋ ءبولىمىنىڭ باسشىسى گۇلميرا بالعوجايەۆا.