اقتاۋ - قازاقستانداعى ەڭ تازا قالا
اقتاۋ. KAZINFORM - «قازاقستان عارىش ساپارى» ۇلتتىق كومپانياسى قازاقستان رەسپۋبليكاسى ەكولوگيا جانە تابيعي رەسۋرستار مينيسترلىگىمەن بىرلەسىپ جۇرگىزىلىپ جاتقان عارىشتىق مونيتورينگ دەرەكتەرىن جاريالادى. سوعان سايكەس، اقتاۋ ەڭ تازا قالا دەپ تانىلدى.
سپۋتنيكتەردىڭ كومەگىمەن جەردى جىل سايىنعى قاشىقتىقتان زوندتاۋ 1-ناۋرىزدان 30-قىركۇيەككە دەيىن جۇرگىزىلەدى. مامانداردىڭ ايتۋىنشا، قالدىقتاردى تەك جىلى كەزدە تابۋعا بولادى. ويتكەنى جەردە قار بولسا، سۋرەتتەر باقىلاۋعا جارامسىز بولىپ قالادى.
ءبىرىنشى جارتىجىلدىقتا قازاقستاندا 600 دەن استام رۇقسات ەتىلمەگەن قوقىس ورىندارى انىقتالعان. عارىشتىق مونيتورينگ دەرەكتەرىنە سۇيەنسەك، اقتاۋ - ەڭ تازا قالا. سەبەبى شاھاردا تەك 11 قوقىس ورنى تابىلعان. سونداي- اق قازىرگى ۋاقىتتا سول قوقىستاردى تازارتۋ جۇمىستارى جۇرگىزىلىلىپ جاتىر.
رۇقسات ەتىلمەگەن قوقىس پوليگوندارىنىڭ كوپشىلىگى استانا قالاسىنىڭ اۋماعىنان انىقتالدى. وندا 206 جەردە قالدىقتار ۇيىلگەن. ودان كەيىن ۇلىتاۋ، اقمولا وبلىستارىندا قوقىس كوپ.