اقمولالىق دارىگەر قازاقستانعا حيرۋرگيانىڭ جاڭا ءادىسىن الىپ كەلدى

استانا. قازاقپارات - مەدەت ماحانبەت اقمولا وبلىسىنىڭ قىزىلاعاش اۋىلىندا دۇنيەگە كەلگەن. ليتۆاداعى سانتاريشكەس ۋنيۆەرسيتەتىنىڭ كلينيكاسىندا «بولاشاق» باعدارلاماسى بويىنشا تاعىلىمدامادان وتكەن. قۇلاق قالقانىن قالپىنا كەلتىرۋ بويىنشا حيرۋرگيانىڭ جاڭا ءادىسىن ازىرلەپ، وتولارينگولوگيا سالاسىندا ايتارلىقتاي جەتىستىكتەرگە جەتتى.

سىرتقى قۇلاقتىڭ شەمىرشەگىن ماتەريال رەتىندە قولداناتىن بۇل ءادىس بىرنەشە ارتىقشىلىقتارعا يە: تەزىرەك ساۋىعىپ، دىبىس وتكىزگىشتىگىن جاقسارتادى. ماحانبەت سونىمەن قاتار، ءداستۇرلى ميكروسكوپتى ەندوسكوپپەن الماستىردى، بۇل وعان وپەراتسيالاردى تيىمدىرەك جانە پاتسيەنتتەر ءۇشىن مينيمالدى سالدارمەن جۇرگىزۋگە مۇمكىندىك بەردى.

«بولاشاق» باعدارلاماسى بويىنشا تاعىلىمدامادان ءوتۋ بارىسىندا مەن قۇلاققا ترانسكانالدى ەندوسكوپيالىق وتا جاساۋ داعدىلارىن يگەردىم. قۇلاقتىڭ ارتىنداعى كەسۋدى قامتيتىن ءداستۇرلى ادىستەن ايىرماشىلىعى، بۇل ءادىس جۇرەكشەنىڭ ىشىندە كىشكەنە كەسۋگە مۇمكىندىك بەرەدى. ونىڭ ارتىقشىلىعى - پاتسيەنتتەر وپەراتسيادان كەيىن تەز قالپىنا كەلەدى، قان كەتۋ از جانە ناتيجەلەر جوعارى دەڭگەيدە قالادى. مەن بۇل تاجىريبەنى قازاقستانعا اكەلگەن العاشقى دارىگەر بولدىم»، - دەيدى ماحانبەت.

ەندوسكوپيالىق ادىسپەن قۇلاق قالقانىن قالپىنا كەلتىرۋ وپەراتسياسى تەك بەس ەلدە جاسالادى: ا ق ش، تۇركيا، قىتاي، اۆستراليا جانە يتاليا. وسىلايشا، قازاقستاندا بۇل ءادىستى ەنگىزۋ ارقىلى مۇنداي بىرەگەي وپەراتسيالار جاسالاتىن الەمدەگى التىنشى ەل بولدى. جاقىندا بۇل وپەراتسيا رەسەيدە جاسالا باستادى.

ماحانبەت ءوزىنىڭ ەڭبەك جولىندا 5 مىڭ ءساتتى وپەراتسيا جاسادى، ونىڭ ىشىندە 70 تەن استام بىرەگەي ۋنيكالدى وپەراتسيانى جاڭا ادىسپەن قۇلاق قالقانىن قالپىنا كەلتىرگەن.

ەندوسكوپيالىق ءادىستىڭ ارتىقشىلىعى ايقىن: ءداستۇرلى 10 س م قۇلاق تىلىگىنىڭ ورنىنا قۇلاق ارناسىنىڭ ىشىندەگى كەسۋ نەبارى 1,5 س م. - بۇل پاتسيەنتتەردىڭ قالپىنا كەلۋ ۋاقىتىن ايتارلىقتاي قىسقارتادى جانە قايتالانۋ قاۋپىن  دان %5 عا دەيىن ازايتادى.

قازاقستاندا جىل سايىن لور اۋرۋلارى بويىنشا 18 مىڭنان استام وتا جاسالادى - ونىڭ 9 مىڭنان استامى قۇلاققا. الايدا، سوڭعى ۋاقىتقا دەيىن ولاردىڭ بارلىعى كلاسسيكالىق ادىسپەن ورىندالدى.

اۆتور
اسحات رايقۇل