اقمولا وبلىسىنىڭ تۇرعىندارى ءبىر اپتانىڭ ىشىندە الاياقتارعا 32 ميلليون تەڭگەگە الدانعان
استانا. KAZINFORM - اقمولا وبلىسىنىڭ پروكۋراتۋراسى وسى اپتادا 21 ءوڭىر تۇرعىنى الاياقتارعا سەنىپ، 32 ميلليون تەڭگەسىنەن ايىرىلعانىن حابارلادى.
«وبلىسىمىزدىڭ ازاماتتارى وسى اپتادا الاياقتارعا سەنىپ 32 ميلليون تەڭگەگە الدانىپ وتىر. الاياقتار جابىرلەنۋشىلەرگە قوڭىراۋ شالىپ، وزدەرىن ۇيالى بايلانىس وپەراتورلارىنىڭ قىزمەتكەرى، بانك قىزمەتكەرلەرى رەتىندە تانىستىرۋدى جالعاستىرىپ، جابىرلەنۋشىلەردىڭ اتىنان تانىس ادامداردان قارىزعا اقشا سۇراپ، حابارلاما جىبەرۋدى توقتاتار ەمەس. مىسالى، قوسشى قالاسىنىڭ تۇرعىنىنا «What’s App» مەسسەندجەرىندە حابارلاما كەلىپ ءتۇسىپ، ول ونىڭ تانىسى وزىنەن 200000 تەڭگە قارىزعا بەرە تۇرۋىن، قارىزىن پايىزبەن قايتارۋعا ۋادە بەرىپ تۇر دەپ ويلاعان»، - دەلىنگەن حابارلامادا.
تانىسىنىڭ بۇل تۋرالى شىنىمەن جازعانىنا كوز جەتكىزبەستەن، ازامات الاياق كورسەتكەن شوتقا اقشا اۋدارىپ، تانىسىنا كەشكە عانا قوڭىراۋ شالىپ، وندا ءبارى جاقسى ەكەنىن بىلۋگە شەشىم قابىلداعان.
اڭگىمە بارىسىندا تانىسى ونىڭ ۇيالى تەلەفونىن بۇزىپ، بارلىق تانىستارىنا قارىزعا اقشا سۇراپ حابارلامالار جىبەرگەنىن ايتىپ جەتكىزگەنىن كورسەتكەن.
«وبلىس پروكۋراتۋراسى ەگەر سىزگە تانىستارىڭىزدان، تۋىستارىڭىزدان اقشا سۇراپ حابارلامالار كەلىپ تۇسكەن بولسا، مىندەتتى تۇردە بۇل حابارلامانى ولار شىنىمەن جازعانىن قوڭىراۋ شالۋ ارقىلى تەكسەرۋگە ازاماتتاردىڭ نازارىن اۋدارادى. ەشقانداي جاعدايدا قولما-قول اقشانى بەيتانىس بانك كارتالارىنىڭ نومىرلەرىنە جىبەرمەڭىز»، - دەپ ەسكەرتتى وبلىستىق پروكۋراتۋرا.
اۆتور
باقىتگۇل اباي قىزى