اقمولا وبلىسىنداعى الاياق ايەلدەن زارداپ شەككەندەر سانى 45 ادامعا جەتتى

كوكشەتاۋ. KAZINFORM - بۋراباي جانە بۇلاندى اۋداندارى تۇرعىندارىنىڭ اقشاسىن جىمقىرعان الاياق ايەلگە قاتىستى قىلمىستىق ءىستى تەرگەۋ شارالارى جالعاسىپ جاتىر. بۇگىنگى كۇنى ودان زارداپ شەككەندەر سانى 45 ادامعا جەتتى.

اقمولا وبلىسى پ د باسپا ءسوز قىزمەتىنىڭ مالىمەتىنشە، بۋراباي اۋداندىق پ ب كەزەكشى بولىمىنە سوڭعى بىرەر كۇندە بىرنەشە ادام ارىزبەن جۇگىنگەن. زارداپ شەگۋشىلەردىڭ سوزىنشە، بارلىعى ءبىر الاياقتىق ءتاسىلدىڭ قۇربانى بولعان.

انىقتالعانداي، الاياق ايەل بانك الدىندا قارجىلىق قيىندىقتارعا تاپ بولعان زارداپ شەگۋشىلەرگە نەسيە الۋعا كومەكتەسىپ، ونىڭ تەڭ جارتىسىن ءوزى الىپ وتىرعان. ارتىنشا سول العان نەسيەنىڭ جارتىسىن بانككە وتەمەي كەتكەن. ءار ءتۇرلى جاعدايلاردا زالال 1 ميلليون تەڭگەدەن 13,5 ميلليونعا دەيىن جەتىپ وتىر.

«جەدەل-ىزدەستىرۋ ءىس-شارالارى بارىسىندا ماكينسك قالاسىنىڭ 51 جاستاعى تۇرعىنى ۇستالىپ، ۋاقىتشا ۇستاۋ وقشاۋلاعىشىنا قامالدى. ونىڭ ۇستىنەن قىلمىستىق كودەكستىڭ 190-بابى «الاياقتىق» بويىنشا سوتقا دەيىنگى ءىس قوزعالدى. قازىرگى كەزدە الاياق ايەلدەن زارداپ شەككەندەر سانى 45 ادامعا جەتتى، ولار بۋراباي جانە بۇلاندى اۋداندارىنىڭ تۇرعىندارى»، - دەدى ۆەدومستۆودان.

ايتا كەتسەك، بۇدان بۇرىن اقمولالىقتاردىڭ 15 ميلليون تەڭگەسىن جىمقىرعان الاياق ايەل ۇستالعانىن جازعان ەدىك.

اۆتور

اسلان وسپانوۆ